ایک رپورٹ کے مطابق فلم بے بی ڈرائیور کی اداکارہ للی جیمز ، اسٹار ٹریک: ڈسکوری کے اداکار شہزاد لطیف اور بیوٹی اینڈ دی بیسٹ کی اداکارہ ایما تھامسن ایک نئے رومینٹک کامیڈی فلم میں کام کرنے کے لئے تیار ہوگئے،جو اگلے مہینے شروع ہوگا۔اس فلم کی رائٹر اور پروڈیوسر جمائمہ خان ہیں اور وہ اپنے پروڈاکشن ہاوس کے بینر تلے اسے بنائیں گی جبکہ اس پراجیکٹ کے ساتھ بالی ووڈ ڈائریکٹر شیکھر کپور کی انڈسٹری میں واپسی ہوگی، شیکھر کپور بالی کی مشہور فلم مسٹر انڈیا سمیت کئی بالی ووڈ اور ہالی ووڈ فلمیں بنا چکے ہیں۔
فلم کا پلاٹ متوقع طور محبت اور شادی سے متعلق ہوگا جو لندن اور جنوبی ایشیاء کے مابین ہوگا، جمائمہ خان اور شہزادلطیف کے پاکستان میں خاندانی تعلقات ہیں۔ جمائمہ پاکستان کے وزیر اعظم اور سابق کرکٹر عمران خان کی سابقہ اہلیہ ہیں۔
بالی ووڈ فلم ساز شیکھر کپور کو ان کے پراجیکٹ الزبتھ: دی گولڈن ایج کو 2007 میں اسکر ایواڈ سے نوازا گیا تھا اس فلم میں کیٹ بلانشیٹ نے اداکاری کی تھی۔
