خبر ایجنسی کے مطابق میانمار کی حکمراں جماعت نے 412 میں سے 346 نشستوں پر کامیابی حاصل کی ہے، میانمار میں 8 نومبر کو عام انتخابات کے سلسلے میں ووٹ ڈالے گئے تھے۔
میانمار میں جاری عام انتخابات میں میانمار کی سربراہ آنگ سان سوچی نے واضح اکثریت حاصل کر لی ہے۔ خبر ایجنسی کے مطابق میانمار کی حکمراں جماعت نے 412 میں سے 346 نشستوں پر کامیابی حاصل کی ہے، میانمار میں حکومت بنانے کے لیے 322 نشستوں پر کامیابی درکار ہوتی ہے۔ خبر ایجنسی کا کہنا ہے کہ میانمار کی اپوزیشن جماعت یو ایس ڈی پی نے 24 نشستوں پر کامیابی حاصل کی ہے، میانمار میں 64 نشستوں کے نتائج ابھی آنا باقی ہیں۔ واضح رہے کہ میانمار میں 8 نومبر کو عام انتخابات کے سلسلے میں ووٹ ڈالے گئے تھے۔
