جرمن شہر ہائیڈل برگ کی سٹی پارلیمنٹ کے ممبر پاکستان نژاد جرمن وسیم بٹ کو پانچ سال کے لیے کالسروہے شہر کی ہائیکورٹ عدالت کا اعزازی جج نامزد کیا گیا ہے۔
کالسروئے شہر کی ایڈ منسٹریٹیو کمیٹی نے وسیم بٹ کی25 -2020 کے عرصے کے لیے ہائی کورٹ کے بطور اعزازی جج کی منظوری دی ہے۔
پاکستانی نژاد جرمن وسیم بٹ اپنی اس نئی ذمہ داری کا حلف 26 اکتوبر کو اٹھائیں گے۔
بحثیت اعزازی جج ان کو ناصرف زبانی سماعت بلکہ فیصلہ سازی کے حوالے سے بھی دیگر ججوں کی طرح کے مکمل حقوق حاصل ہونگے ۔
پاکستانی شہر سیالکوٹ سے تعلق رکھنے والے وسیم بٹ 2014 سے ہائیڈل برگ کی بلدیاتی کونسل کے منتخب رکن ہیں، اس کے علاوہ وہ شہر کی مائیگریشن کونسل کے ڈپٹی چیئرمین بھی ہیں۔
