ایران اور اسرائیل نے فوری جنگ بندی پر اتفاق کرلیا، امریکی صدر

سب کو مبارک ہو، اگلے 6 گھنٹوں میں دونوں جانب سے حملے بند کردیے جائیں گے، 6 گھنٹے بعد ایران جنگ بندی کا آغاز کرے گا اور 12ویں گھنٹے میں اسرائیل بھی جنگ بندی شروع کرے گا، ڈونلڈ ٹرمپ

امریکی صدر ڈونلڈ ٹرمپ نے اعلان کیا ہے کہ اسرائیل اور ایران جنگ بندی پر متفق ہوگئے اور اگلے 6 گھنٹوں میں حملے بند کردیے جائیں گے۔
امریکی صدر ڈونلڈ ٹرمپ نے اپنے سوشل میڈیا پلیٹ فارم ’ٹروتھ سوشل‘ پر یہ اعلان کیا جس میں ان کا کہنا تھا کہ سب کو مبارک ہو، اسرائیل اور ایران کے درمیان مکمل جنگ بندی پر اتفاق ہوگیا ہے۔
ڈونلڈ ٹرمپ نے کہا کہ اسرائیل اور ایران کے درمیان اگلے 6 گھنٹوں بعد حملے بند کردیے جائیں گے جب دونوں ممالک اپنے جاری آخری مشن مکمل کرلیں گے۔