وفاقی محتسب اعلیٰ خواتین فوزیہ وقار نے ایڈیشنل آئی جی ساؤتھ پنجاب محمد کامران خان سے ساؤتھ پنجاب پولیس آفس میں ملاقات کی
اس موقع پر سی پی او ملتان صادق علی ڈوگر ،اے آئی جی انویسٹیگیشن ساؤتھ پنجاب جاوید اقبال خان ،ایس پی انویسٹیگیشن ملتان عمران احمد،ایس پی کینٹ کائنات اظہر ، سپرنٹنڈنٹ وومن جیل پولیس ملتان فریحہ اشرف ،اے ایس پی بریرہ اور دیگر اعلیٰ افسران بھی موجود تھے۔
۔رپورٹ انٹرنیشنل کارسپونڈنٹ پنجاب فرزانہ چوہدری سے
ملاقات کے دوران خواتین کے تحفظ، ہراسانی کے انسداد، اور پولیس میں خواتین کی شمولیت کے فروغ سے متعلق امور پر تبادلہ خیال کیا گیا۔
ایڈیشنل آئی جی ساؤتھ پنجاب محمد کامران خان نے ساؤتھ پنجاب میں خواتین کے مسائل کے حل کے لیے پولیس کی جانب سے اٹھائے گئے اقدامات پر بریفنگ دی، جب کہ وفاقی محتسب اعلیٰ نے قانون پر عمل درآمد اور خواتین کو انصاف کی فراہمی کو یقینی بنانے پر زور دیا.
ملاقات کے اختتام پر ایڈیشنل آئی جی ساؤتھ پنجاب محمد کامران خان نے وفاقی محتسب اعلیٰ فوزیہ وقار کو یادگاری شیلڈ پیش کی.
