پنجاب بھر میں چنگچی رکشوں پر پابندی کا فیصلہ

پنجاب حکومت نے شہری و دیہی علاقوں میں چنگچی رکشوں اور غیر رجسٹرڈ لوڈر گاڑیوں پر مرحلہ وار مکمل پابندی عائد کرنے کا فیصلہ کر لیا ہے۔ اس فیصلے کا اطلاق لاہور، *فیصل آباد، تاندلیانوالہ، جڑانوالہ، سمندری، ملتان، راولپنڈی* ، گوجرانوالہ، سیالکوٹ سمیت دیگر بڑے شہروں اور دیہی علاقوں میں کیا جائے گا۔ محکمہ ٹرانسپورٹ پنجاب کے مطابق یہ اقدام شہریوں کی جان و مال کے تحفظ، ٹریفک نظام کی بہتری اور ماحولیاتی آلودگی کے خاتمے کے لیے ناگزیر ہے۔ حکومت نے غیر قانونی چنگچی رکشوں کے مالکان کو 30 دن کی مہلت دی ہے، جس کے بعد صوبہ بھر میں سخت کریک ڈاؤن شروع کیا جائے گا۔