تعلیم، سیاحت اور تجارت میں تعاون؛ پاک-آسٹریا تعلقات میں نئی جہتیں

نیویارک: پاکستان کے نائب وزیراعظم و وزیر خارجہ سینیٹر محمد اسحاق ڈار نے اقوام متحدہ کے پائیدار ترقی پر ہائی لیول سیاسی فورم (HLPF) کے موقع پر آسٹریا کے چانسلر کے خصوصی ایلچی برائے عالمی امور، پیٹر لوناسکی سے ملاقات کی۔

ملاقات کے دوران دونوں رہنماؤں نے پاک-آسٹریا تعلقات کی مثبت پیش رفت پر اطمینان کا اظہار کیا اور باہمی تعاون کو مزید فروغ دینے پر تبادلہ خیال کیا، خاص طور پر تعلیم، سیاحت اور کاروبار کے شعبوں میں۔

پیٹر لوناسکی نے آسٹریا کی معیشت اور معاشرتی ڈھانچے میں پاکستانی تارکین وطن کی خدمات کو سراہا۔دونوں رہنماؤں نے کثیرالطرفہ فورمز، بالخصوص اقوام متحدہ میں دونوں ممالک کے درمیان قریبی تعاون پر بھی گفتگو کی۔ اس موقع پر آسٹریا نے اقوام متحدہ کی سلامتی کونسل میں غیر مستقل رکن کی حیثیت سے پاکستان کے کردار اور خدمات کو خاص طور پر اس کی صدارت کے دوران کارکردگی کو سراہا۔