برلن: غزہ میں اسرائیل کے طرزِ عمل پر اختلافات کی تردید، جرمن حکومت کا مؤقف متحد ہے

برلن (نمائندہ خصوصی) — جرمن حکومت نے واضح کیا ہے کہ غزہ میں اسرائیل کے اقدامات سے متعلق اس کے اندرونی حلقوں میں کوئی اختلاف نہیں، اور حکومتی اتحاد اس معاملے پر متحد ہے۔

یہ بیان اس وقت سامنے آیا جب جرمنی نے 28 ممالک کے ایک مشترکہ اعلامیے پر دستخط کرنے سے گریز کیا، جس سے میڈیا میں اتحادی جماعتوں کے درمیان ممکنہ اختلافات کی چہ مگوئیاں شروع ہو گئیں۔

جرمن وزارتِ خارجہ کے ترجمان نے اپنے بیان میں کہا کہ "جرمنی اپنی خارجہ پالیسی میں توازن، انسانی حقوق اور عالمی قوانین کی پاسداری کو اہمیت دیتا ہے، اور اتحادی جماعتوں کے درمیان اس پر مکمل ہم آہنگی موجود ہے۔”واضح رہے کہ مذکورہ اعلامیہ غزہ میں اسرائیلی کارروائیوں پر تشویش کا اظہار کرتا ہے، جسے یورپی ممالک کی ایک بڑی تعداد نے حمایت دی تھی۔ تاہم جرمنی نے اس پر دستخط نہیں کیے، جس پر ناقدین نے سوالات اٹھائے کہ کیا حکومت کے اندر اس معاملے پر مکمل اتفاق موجود ہے یا نہیں۔

حکومتی ذرائع کے مطابق، جرمنی کے فیصلے کا مطلب اسرائیل کی غیر مشروط حمایت نہیں، بلکہ قومی مفادات اور سفارتی حکمتِ عملی کے تحت فیصلہ کیا گیا