اسلام آباد/واشنگٹن (انٹرنیشنل ڈیسک)
وزیراعظم شہباز شریف نے پاکستان اور امریکا کے درمیان ہونے والے تاریخی تجارتی معاہدے پر امریکی صدر ڈونلڈ ٹرمپ کا خصوصی طور پر شکریہ ادا کیا ہے۔ وزیراعظم نے سوشل میڈیا پر جاری اپنے پیغام میں کہا کہ صدر ٹرمپ نے اس معاہدے میں قائدانہ کردار ادا کیا جس پر وہ تہہ دل سے مبارکباد کے مستحق ہیں۔وزیراعظم نے لکھا:
"میں پاکستان اور امریکا کے درمیان واشنگٹن میں طے پانے والے تاریخی تجارتی معاہدے پر امریکی صدر ڈونلڈ ٹرمپ کی لیڈر شپ کا تہہ دل سے معترف ہوں۔ یہ معاہدہ دونوں ممالک کے درمیان مضبوط، پائیدار اور نتیجہ خیز تعاون کا آغاز ثابت ہوگا۔”
معاہدے کی نمایاں جھلکیاں:
دو طرفہ تجارت میں اربوں ڈالر کا اضافہ متوقع
ٹیکسٹائل، زرعی مصنوعات، اور ٹیکنالوجی کے شعبے شامل
دونوں ممالک کے درمیان سرمایہ کاری کے مواقع میں وسعت.ماہرین کے مطابق، یہ معاہدہ نہ صرف پاکستانی برآمدات کو فروغ دے گا بلکہ امریکی مارکیٹ میں پاکستانی مصنوعات کی رسائی کو بھی یقینی بنائے گا۔واشنگٹن میں موجود سفارتی ذرائع کا کہنا ہے کہ اس معاہدے سے دونوں ممالک کے تعلقات میں ایک نئی جہت کا آغاز ہوگا، جو خطے میں معاشی استحکام کے لیے بھی اہم قدم تصور کیا جا رہا ہے۔
