گلگت (انٹرنیشنل کارسپورنڈنٹ وائس آف جرمنی ) — وزیراعظم شہباز شریف گلگت بلتستان میں حالیہ بارشوں کے باعث آنے والے سیلاب سے ہونے والی تباہ کاریوں کا جائزہ لینے کے لیے گلگت پہنچ گئے ہیں۔
ترجمان گلگت بلتستان حکومت فیض اللہ فراق کے مطابق، وزیراعظم کے استقبال کے لیے وزیراعلیٰ گلبر خان اور گورنر سید مہدی شاہ موجود تھے۔ وزیراعظم کے ہمراہ وفاقی وزیر برائے موسمیاتی تبدیلی مصدق ملک اور دیگر اعلیٰ حکام بھی گلگت پہنچے ہیں۔
وزیراعظم شہباز شریف اپنے دورے کے دوران:گورنر اور وزیراعلیٰ جی بی سے ملاقات کریں گےسیلاب سے متعلقہ اداروں سے بریفنگ لیں گےاور سیلاب میں جاں بحق افراد کے لواحقین میں امدادی چیکس تقسیم کریں گے۔گلگت بلتستان کے مختلف علاقوں میں شدید بارشوں کے بعد آنے والے سیلاب نے کئی دیہات متاثر کیے ہیں، جن میں جانی و مالی نقصان کی اطلاعات سامنے آئی ہیں۔
