یوکرین میں شہریوں کی جبری فوجی بھرتی کے خلاف عوامی ردعمل شدت اختیار کر گیا ہے، اور ملک کے انسانی حقوق کے دفتر کو حالیہ ہفتوں میں درجنوں شکایات موصول ہوئی ہیں۔
مقامی میڈیا کے مطابق، شکایات میں الزام عائد کیا گیا ہے کہ فوجی افسران سڑکوں، بس اسٹاپس اور عوامی مقامات سے شہریوں کو زبردستی بھرتی مراکز لے جا رہے ہیں، بعض اوقات قانونی ضابطوں کو نظرانداز کرتے ہوئے۔
انسانی حقوق کے دفتر نے تصدیق کی ہے کہ متعدد شکایات کی تحقیقات جاری ہیں اور اگر خلاف ورزی ثابت ہوئی تو متعلقہ حکام کے خلاف کارروائی کی جائے گی۔
تجزیہ کاروں کے مطابق، جاری جنگ اور فوجی نقصانات نے یوکرینی فوج پر افرادی قوت بڑھانے کا دباؤ بڑھا دیا ہے، مگر جبری بھرتی عوام میں بے چینی اور حکومت پر اعتماد کے بحران کو مزید گہرا کر رہی ہے۔
