لاہور — انسداد دہشت گردی کی عدالت (اے ٹی سی) آج 9 مئی کے جلاؤ گھیراؤ کے دو مقدمات میں محفوظ فیصلہ سنائے گی، جن میں پاکستان تحریک انصاف (پی ٹی آئی) کے سینئر رہنما بھی نامزد ہیں۔
راحت بیکری اور تھانہ شادمان میں جلاؤ گھیراؤ کے مقدمات میں عدالت نے حتمی دلائل مکمل ہونے کے بعد فیصلہ محفوظ کیا تھا۔ جج منظر علی گل کی سربراہی میں کوٹ لکھپت جیل میں جیل ٹرائل کے دوران سماعت ہوئی، جس میں شاہ محمود قریشی، ڈاکٹر یاسمین راشد، سینیٹر اعجاز چوہدری، عمر سرفراز چیمہ اور میاں محمود الرشید سمیت دیگر ملزمان موجود تھے۔
عدالت آج پیر، 11 اگست کو فیصلہ سنائے گی، اور امکان ظاہر کیا جا رہا ہے کہ اس میں بعض رہنماؤں کو سزا سنائی جا سکتی ہے۔
