خیبر پختونخوا سے آزاد حیثیت میں منتخب ہونے والے پانچ سینیٹرز نے پاکستان تحریک انصاف (پی ٹی آئی) میں باضابطہ شمولیت اختیار کر لی ہے۔ ان تمام اراکین نے پارٹی چیئرمین کو اپنی شمولیت کے حوالے سے ڈیکلریشن جمع کروا دی ہے۔
پی ٹی آئی میں شامل ہونے والے سینیٹرز میں:
مرزا محمد آفریدی
سینیٹر اعظم سواتی
سینیٹر فیصل جاوید
نورالحق قادری
روبینہ ناز
شامل ہیں۔
پارٹی ذرائع کے مطابق، چیئرمین پی ٹی آئی بیرسٹر گوہر علی ان ڈیکلریشنز کو الیکشن کمیشن آف پاکستان میں جمع کروائیں گے تاکہ قانونی طور پر ان سینیٹرز کی پارٹی وابستگی کو باضابطہ طور پر تسلیم کیا جا سکے۔سیاسی مبصرین اس پیش رفت کو ایوان بالا میں پی ٹی آئی کی پوزیشن کو مستحکم بنانے کی کوشش قرار دے رہے ہیں، خاص طور پر ایسے وقت میں جب ملک میں سیاسی عدم استحکام اور جماعتی اتحاد و انشقاق کا سلسلہ جاری ہے۔
