اسلام آباد (انٹرنیشنل کارسپونڈنٹ فائزہ یونس سے ) – وفاقی وزیر داخلہ محسن نقوی نے کہا ہے کہ اسلام آباد پولیس کے افسران کو جدید پولیسنگ اور ٹیکنالوجی کی تربیت کے لیے چین کے دارالحکومت بیجنگ بھیجا جائے گا۔ یہ اقدام اسلام آباد پولیس کی صلاحیتوں میں اضافے اور بین الاقوامی معیار کے پولیسنگ نظام کے قیام کی جانب ایک اہم قدم ہے۔
محسن نقوی نے کہا کہ بیجنگ پولیس ایک انتہائی فعال، منظم اور جدید ٹیکنالوجی سے لیس فورس ہے، جو امن و امان کے قیام اور جرائم کی سرکوبی میں جدید ترین طریقوں سے کام کر رہی ہے۔ انہوں نے کہا کہ بیجنگ پولیس کا تعاون اسلام آباد پولیس کے لیے نہایت مفید ثابت ہوگا۔
بیجنگ پولیس ڈیپارٹمنٹ کے وفد نے اسلام آباد میں وفاقی وزیر داخلہ سے ملاقات کی، جس میں دونوں فورسز کے درمیان تعاون بڑھانے اور مشترکہ تربیتی پروگراموں پر تفصیلی گفتگو ہوئی۔ ملاقات کے دوران اس بات پر اتفاق کیا گیا کہ اسلام آباد پولیس کے افسران بیجنگ میں جدید پولیسنگ، ٹیکنالوجی اور آرٹیفشل انٹیلیجنس (AI) کے مختلف پہلوؤں پر تربیت حاصل کریں گے۔
محسن نقوی نے کہا کہ اسلام آباد پولیس کو اینٹی رائٹ، دہشت گردی، منشیات، انسانی اسمگلنگ اور منظم جرائم سے نمٹنے کے لیے جدید تربیت دی جائے گی، جبکہ معلومات کے بروقت تبادلے کا نظام بھی قائم کیا جائے گا تاکہ دونوں ممالک کی پولیس فورسز ایک دوسرے سے مؤثر طور پر سیکھ سکیں۔
متعلقہ
انٹرنیشنل یونین آف رائٹرز نے مذمتی قرارداد پیش کی.
انٹرنیشنل یونین آف رائٹرز کے چیئرمین زبیر احمد انصاری کے زیر قیادت جس میں تمام عہدیداران صدر، نائب صدور، سیکرٹری اور ممبران نے ایک مذمتی قرارداد پیش کی اسرائیل کے خلاف۔ صدر نے اپنے استقبالیہ میں کہا کہ مسلم اُمہ کو آپس میں میل جول بڑھانا، اپنے خیالات کا اظہار، تعلقات میں بہتری لانا اور…
پاکستان کے 15 سے زائد سرکاری اداروں کے نقصانات 59 کھرب سے تجاوز کرگئے، پنشن واجبات 17 کھرب روپے تک پہنچ گئے ۔ ششماہی رپورٹ جاری
اسلام آباد: پاکستان کے پبلک سیکٹر میں شدید مالی بحران کی صورتحال سامنے آگئی ہے۔ تازہ ششماہی رپورٹ کے مطابق ملک کے 15 سے زائد سرکاری اداروں (SOEs) کا مجموعی مالی خسارہ 59 کھرب روپے سے تجاوز کرگیا ہے جبکہ پنشن کے واجبات بھی بڑھ کر 17 کھرب روپے تک پہنچ چکے ہیں۔ رپورٹ کے…
غزہ میں معاہدہ کریں، تمام قیدیوں کو واپس لائیں: ٹرمپ کا مطالبہ
امریکی صدر کا بنجمن نیتن یاھو سے مکمل اظہارِ یکجہتی، عدالتی کارروائی کو سفارتی کوششوں کے لیے نقصان دہ قرار دیا امریکی صدر ڈونلڈ ٹرمپ نے زور دیا ہے کہ غزہ میں ایک فوری معاہدہ کیا جائے، جس کے تحت وہاں موجود تمام اسرائیلی قیدیوں کو واپس لایا جائے۔ اپنے سوشل میڈیا پلیٹ فارم "ٹروتھ…
شنگھائی تعاون تنظیم کی بلوچستان میں دہشت گردی کی مذمت، پہلگام واقعے پربھارت کا موقف مسترد
تنظیم کے وزرائے دفاع کے اجلاس کے مشترکہ اعلامیے میں بھارت پہلگام واقعے کو پاکستان سے جوڑنے میں ناکام، بھارتی وفد نے جھنجھلاہٹ میں اعلامیے پر دستخط سے انکار کردیا مزید ڈونلڈ ٹرمپ کا ایران میں نظام حکومت کی تبدیلی کا اشارہ