اسلام آباد ہائیکورٹ نے وفاقی دارالحکومت میں قائم 10 کرکٹ اور 10 فٹ بال گراؤنڈز کی نیلامی عارضی طور پر روک دی ہے۔ یہ فیصلہ سابق چیئرمین میٹروپولیٹن کارپوریشن سردار مہتاب کی درخواست پر جسٹس انعام امین منہاس نے سنایا۔
درخواست گزار کے وکیل عادل عزیز قاضی ایڈووکیٹ نے عدالت میں مؤقف اپنایا کہ کھیلوں کے میدان عوامی مفاد کا حصہ ہیں اور انہیں پچاس پچاس لاکھ روپے کے عوض نیلام کرنا شہریوں کے حقوق پر قدغن ہے۔ ان کا کہنا تھا کہ قانون کے مطابق کھیلوں کے میدانوں کا اختیار سی ڈی اے کے پاس نہیں بلکہ میٹروپولیٹن کارپوریشن کے پاس ہے۔
عدالت نے ابتدائی دلائل کے بعد سی ڈی اے اور میٹروپولیٹن کارپوریشن کو نوٹس جاری کرتے ہوئے جواب طلب کرلیا ہے۔ وکیل نے عدالت کو آگاہ کیا کہ گراؤنڈز کی نیلامی کی صورت میں عام شہری، بالخصوص نوجوان طبقہ، کرکٹ اور فٹ بال کھیلنے کے بنیادی حق سے محروم ہو جائے گا۔
کیس کی مزید سماعت آئندہ تاریخ پر ہوگی۔
متعلقہ
دمشق میں صدارتی محل اور وزارت دفاع پر اسرائیلی فضائی حملہ
شامی دارالحکومت میں زوردار دھماکے، جنرل اسٹاف کی عمارت کو شدید نقصان دمشق / تل ابیب / بیروت:اسرائیل کی جانب سے شام کے دارالحکومت دمشق میں صدارتی محل اور فوجی جنرل اسٹاف کے اطراف فضائی حملے کیے گئے، جن میں وزارت دفاع کی عمارت کو براہِ راست نشانہ بنایا گیا۔بین الاقوامی خبر رساں ادارے "روئٹرز”…
میرے خلاف پروپیگنڈا کیا گیا کہ 11 کروڑ کے بسکٹ کھا گیا۔علی امین گنڈا پور
وزیراعلی خیبرپختونخواعلی امین گنڈا پور کی سوشل میڈیا ٹیم سے ملاقات ہوئی جس میں پارٹی امور اور سوشل میڈیا پر پروپیگنڈا کے حوالے سے بات چیت کی گئی۔وزیراعلی نے کہا کہ میرے خلاف پروپیگنڈا کیا گیا کہ 11 کروڑ کے بسکٹ کھا گیا، خیبر پختونخوا اور دوسرے وزراء اعلی کے بجٹ کا موازنہ کریں تو…