جوہری ٹھکانوں پر امریکہ کی بمباری کے بعد ایران نے اسرائیل کے کئی شہروں پر حملہ کر دیا ہے۔ تل ابیب، حائفہ سمیت دیگر شہروں میں سائرن کی آوازیں سنائی دی ہیں۔ اسرائیل کے زیادہ تر شہروں کو الرٹ پر رکھا گیا ہے۔
ایرانی سپریم لیڈر آیت اللہ خامنہ ای کے معاون حسین شریعتمداری نے بحرین میں تعینات امریکی بحری بیڑے پر *جوابی میزائل حملے* کا مطالبہ کر دیا۔ انہوں نے کہا ’’ اب ہماری باری ہے۔‘‘یہ مطالبہ امریکہ کی جانب سے ایران کے جوہری مقامات پر حملوں کے بعد علاقائی کشیدگی میں اضافے کی صورت میں سامنے آیا ہے۔ ان اقدامات سے بحیرہ ہرمز (آبنائے ہرمز) میں سلامتی کے خدشات بڑھ گئے ہیں، جو عالمی تجارت کے لیے ایک اہم بحری گزرگاہ ہے۔
