جاپان کا "پیٹا بِٹ” انٹرنیٹ: دنیا کی تیز ترین رفتار کا کامیاب تجربہ!

ٹوکیو: جاپانی ماہرین نے انٹرنیٹ کی دنیا میں ایک نئی تاریخ رقم کر دی — انہوں نے ایک پیٹا بِٹ فی سیکنڈ (Pbps) کی رفتار سے ڈیٹا منتقل کرنے کا کامیاب تجربہ کر لیا ہے، جو کہ اب تک کی دنیا کی تیز ترین انٹرنیٹ اسپیڈ ہے۔
جاپان کے نیشنل انسٹی ٹیوٹ آف انفارمیشن اینڈ کمیونیکیشنز ٹیکنالوجی (NICT) نے فائبر آپٹک ٹیکنالوجی کی مدد سے یہ رفتار حاصل کی۔ اس رفتار سے ایک سیکنڈ میں 1,000,000 گیگابِٹ تک ڈیٹا بھیجا جا سکتا ہے — اتنی رفتار سے پوری دنیا کی فلمیں صرف چند سیکنڈ میں ڈاؤن لوڈ کی جا سکتی ہیں!کیا یہ عام صارفین کے لیے دستیاب ہوگی؟
ماہرین کا کہنا ہے کہ ابھی یہ رفتار تجرباتی مراحل میں ہے، اور اسے عام صارفین تک پہنچنے میں کئی سال لگ سکتے ہیں۔ اس ٹیکنالوجی کو بڑے ڈیٹا سینٹرز، مصنوعی ذہانت، خلائی تحقیق، اور مستقبل کے 6G نیٹ ورکس میں استعمال کے لیے تیار کیا جا رہا ہے۔