سیٹلائٹ گائیڈڈ سسٹم کے ذریعے بہتر درستی والے فورتھ جنریشن میزائل کو استعمال کیا گیا
ایران۔
ایرانی مسلح افواج نے اسرائیلی حکومت کے فوجی اہداف کے خلاف بڑے پیمانے پر میزائل ڈرون آپریشن کی بیسویں لہر شروع کردی۔ ایران کے اعلان کے مطابق اس نے بن گوریون ایئرپورٹ اور حیاتیاتی تحقیقی مراکز کو میزائلوں سے نشانہ بنایا۔ ایرانی سپاہ پاسداران انقلاب نے اپنی طرف سے کہا ہے کہ اس نے پہلی بار خیبر میزائل اسرائیل پر داغا ہے۔ ہم نے ابھی تک اپنی کچھ فوجی صلاحیتوں کو فعال نہیں کیا ہے۔
خیبر میزائل کیا ہے؟
فروری 2024 میں ’’ ارنا‘‘ نے رپورٹ کیا تھا کہ خیبر شکن میزائل کو فورتھ جنریشن کا ٹھوس ایندھن کا میزائل سمجھا جاتا ہے۔ اس کی رینج 1,450 کلومیٹر تک ہے اور سیٹلائٹ کے ذریعے گائیڈڈ گائیڈڈ سسٹم کے ذریعے اس کی درستی کو بہتر بنایا گیا ہے۔
ایرانی میڈیا کے مطابق خیبر میزائل کا تعلق بیلسٹک میزائلوں کے خرمشہر خاندان کی فورتھ جنریشن سے ہے۔ اس سے پہلے کی تھری جنریشنز میں فرسٹ جنریشن خرمشہر-1 کو پہلی بار 2017 میں مقدس دفاعی ہفتہ کے موقع پر ایک فوجی پریڈ کے دوران منظر عام پر لایا گیا تھا۔ اس کی لمبائی 13 میٹر اور قطر 1.5 میٹر تھا۔
سیکنڈ جنریشن خرمشہر-2 کو 2019 میں منظر عام پر لایا گیا۔ یہ گائیڈڈ وار ہیڈز سے لیس تھا اور اس کا وزن تقریباً 20 ٹن تھا۔ مئی 2023 میں تہران نے خرمشہر-3 کے بارے میں کوئی معلومات فراہم کیے بغیر خرمشہر-4 کی نقاب کشائی کردی تھی۔ وزارت دفاع کے قریبی ذرائع نے اس بات کی تصدیق کی کہ اسے تیار کیا گیا تھا اور اس کی اعلیٰ تکنیکی صلاحیتوں پر فخر کیا گیا تھا تاہم سکیورٹی وجوہات کی بناء پر خیبر میزائل کی تکنیکی صلاحیتوں کا کا انکشاف نہیں کیا گیا۔
خیبر میزائل ایران کے میزائل سسٹم میں ایک کوالٹی لیپ کی نمائندگی کرتا ہے۔ اس کے زیادہ دھماکہ خیز وار ہیڈ کا وزن 1500 کلو گرام ہے۔ اس کی رفتار غیر معمولی ہے۔ یہ فضا سے باہر 19,584 کلومیٹر فی گھنٹہ اور اس کے اندر تقریباً 9,792 کلومیٹر فی گھنٹہ تک پہنچ جاتا ہے۔ اس وجہ سے اسے روایتی فضائی دفاعی نظام، جیسے پیٹریاٹ یا ڈیوڈز سلنگ کے ذریعے روکنا تقریباً ناممکن ہو جاتا ہے
اکیلا وار ہیڈ 4 میٹر لمبا ہے۔ اس کی سب سے نمایاں خصوصیات میں سے ایک اس میں پنکھوں کی کمی ہے جو رگڑ کو کم کرتی ہے اور رہنمائی کی درستی اور رفتار کو بڑھانے میں مدد کرتی ہے۔ خیبر میزائل اپنی تیز رفتار تیاری کی وجہ سے بھی ممتاز ہے۔ اسے لانچ کی تیاری میں 15 منٹ سے زیادہ وقت نہیں لگتا۔ یہ ایک موبائل پلیٹ فارم سے لانچ کیا جاتا ہے اور مائع ایندھن سے چلتا ہے جسے ٹینکوں میں تین سال تک ذخیرہ کیا جا سکتا ہے۔ اس کی شیلف لائف 10 سال تک ہے۔
خیبر مقامی طور پر تیار کردہ ایک انجن سے چلتا ہے جسے اروند کہتے ہیں۔ یہ ایران کے ہتھیاروں میں مائع ایندھن کے جدید ترین انجنوں میں سے ایک ہے۔ انجن کو ایندھن کے ٹینک میں ضم کیا جاتا ہے جس سے میزائل کی لمبائی کم ہوتی ہے اور اس کے اڑنے کی صلاحیت میں اضافہ ہوتا ہے۔ اس وجہ سے سیٹلائٹ یا نگرانی کے نظام کے ذریعے اسے ٹریک کرنا مشکل ہو جاتا ہے۔