لاہور ایئرپورٹ پر تحریک انصاف کی رکن قومی اسمبلی عائشہ نذیر جٹ کو مختصر حراست کے بعد رہا کر دیا گیا

لاہور: وہاڑی سے پاکستان تحریک انصاف (پی ٹی آئی) کی منتخب رکن قومی اسمبلی عائشہ نذیر جٹ کو لاہور ایئرپورٹ پر حراست میں لیا گیا، تاہم چند گھنٹوں بعد انہیں رہا کر دیا گیا۔

ذرائع کے مطابق، عائشہ نذیر جٹ کسی نجی دورے پر بیرونِ ملک روانہ ہونے والی تھیں کہ امیگریشن حکام نے انہیں روک کر پوچھ گچھ کے لیے حراست میں لیا۔ تاہم ابتدائی تفتیش کے بعد انہیں جانے کی اجازت دے دی گئی۔

تاحال اس گرفتاری کی سرکاری وجوہات سامنے نہیں آ سکیں، اور نہ ہی حکام یا پی ٹی آئی کی جانب سے کوئی باضابطہ بیان جاری کیا گیا ہے۔