ماہی گیر لانچ 10 اور 11 جولائی کی درمیانی شب شمس پیر یونس آباد سے روانہ ہوئی
اطلاعات کے مطابق یہ لانچ پٹی کریک کے مقام پر کیٹی بندر کی جانب جا رہی تھی، تاہم اس کے بعد سے لانچ کا سراغ نہیں مل سکا۔ فشر مین کوآپریٹو سوسائٹی کراچی ویسٹ کی جانب سے کھلے سمندر میں موجود دیگر ماہی گیر لانچوں سے ریڈیو سیٹلائٹ کے ذریعے تلاش کی اپیل کی گئی ہے۔
ادھر میری ٹائم سیکیورٹی ایجنسی کے جوائنٹ میری ٹائم کوآرڈینیشن سینٹر نے بھی باقاعدہ سرچ آپریشن کا آغاز کر دیا ہے اور سمندری حدود میں موجود وسائل کو متحرک کر دیا گیا ہے تاکہ لاپتہ ماہی گیر لانچ کا سراغ لگایا جا سکے۔
