عوام پر مہنگائی کا ایک اور وار، حکومت نے پیٹرولیم مصنوعات کی قیمتوں میں رد و بدل کی تیاری مکمل کرلی ہے۔ عالمی مارکیٹ میں خام تیل کی قیمتوں میں مسلسل اضافے کے باعث پاکستان میں آئندہ 15 روز کے لیے پیٹرول اور ڈیزل کی قیمتوں میں ساڑھے 6 روپے فی لیٹر تک اضافے کا امکان ظاہر کیا جا رہا ہے۔
ذرائع کے مطابق
پیٹرول کی قیمت میں 6 روپے 60 پیسے فی لیٹر اضافہ تجویز کیا گیا ہے
ہائی سپیڈ ڈیزل کی قیمت 5 روپے 27 پیسے فی لیٹر بڑھنے کا امکان ہے
مٹی کا تیل 3 روپے 74 پیسے سستا ہونے کی امید
لائٹ ڈیزل میں 2 روپے 23 پیسے فی لیٹر کمی کی تجویز دی گئی ہے
پیٹرولیم مصنوعات کی قیمتوں میں تبدیلی کی ابتدائی ورکنگ مکمل کرلی گئی ہے، جبکہ اوگرا کل یہ ورکنگ حکومت کو بھجوائے گا۔ آئل انڈسٹری کی جانب سے بھی اپنی رپورٹ اوگرا کو پیش کر دی گئی ہے۔
حتمی فیصلہ وزیراعظم کی منظوری سے مشروط ہے، جو اوگرا کی جانب سے بھیجی گئی سمری کی روشنی میں کیا جائے گا۔
