سیالکوٹ — اینٹی کرپشن حکام نے ایڈیشنل ڈپٹی کمشنر ریونیو (اے ڈی سی آر) سیالکوٹ، اقبال سنگھیڑا کو مبینہ طور پر 17 کروڑ روپے رشوت لینے کے الزام میں گرفتار کر لیا ہے۔
حکام کے مطابق یہ رقم ایک ہاؤسنگ سوسائٹی کے این او سی کے اجرا کے بدلے وصول کی گئی۔ کارروائی زاہد جاوید نامی شہری کی درخواست پر عمل میں لائی گئی۔
اینٹی کرپشن ذرائع کا کہنا ہے کہ 17 کروڑ روپے میں سے 13 کروڑ برآمد کر لیے گئے ہیں، جبکہ باقی 4 کروڑ کی برآمدگی کے لیے چھاپے مارے جا رہے ہیں۔ لاہور میں ملزم کے گھر سے پیسوں سے بھری گاڑی بھی برآمد کی گئی ہے۔
