وزیراعظم شہباز شریف کا وزیراعلیٰ بلوچستان سرفراز بگٹی کی کارکردگی پر اطمینان، مکمل تعاون کی یقین دہانی
کوئٹہ: وزیراعظم پاکستان محمد شہباز شریف نے وزیراعلیٰ بلوچستان میر سرفراز بگٹی کی قیادت میں صوبائی حکومت کے اقدامات کو سراہتے ہوئے وفاق کی جانب سے بھرپور تعاون کا اعادہ کیا ہے۔ وزیراعظم نے خاص طور پر صوبے میں امن و امان کے قیام اور انتظامی اصلاحات کی تعریف کی۔ اجلاس کے دوران وزیراعظم کو…
کوئٹہ: وزیراعظم پاکستان محمد شہباز شریف نے وزیراعلیٰ بلوچستان میر سرفراز بگٹی کی قیادت میں صوبائی حکومت کے اقدامات کو سراہتے ہوئے وفاق کی جانب سے بھرپور تعاون کا اعادہ کیا ہے۔ وزیراعظم نے خاص طور پر صوبے میں امن و امان کے قیام اور انتظامی اصلاحات کی تعریف کی۔
اجلاس کے دوران وزیراعظم کو صوبے میں سیکیورٹی کی صورتحال پر تفصیلی بریفنگ دی گئی۔ وزیراعظم نے سیکیورٹی اداروں اور صوبائی حکومت کی مشترکہ کوششوں کے نتیجے میں 784 دہشت گردوں کی ہلاکت اور انٹیلی جنس بیسڈ آپریشنز (IBOs) کی کامیابی پر اطمینان کا اظہار کیا۔ انہوں نے کہا کہ ان اقدامات سے بلوچستان میں امن و استحکام کی نئی لہر پیدا ہوئی ہے۔
چیف سیکرٹری بلوچستان، شکیل قادر خان نے وزیراعظم کو درج ذیل شعبوں میں ہونے والی پیش رفت پر بریفنگ دی:
- تعلیم اور صحت: بنیادی ڈھانچے کی بہتری اور دور افتادہ علاقوں تک رسائی۔
- گورننس: عوامی خدمات کی فراہمی میں شفافیت اور تیزی۔
- وزیراعظم کمپلینٹ سیل: عوامی شکایات کے بروقت اور مؤثر ازالے کے لیے کیے گئے اقدامات۔
- سیاسی ہم آہنگی: صوبے میں سیاسی استحکام کے لیے اٹھائے گئے اقدامات۔
