جاپان: درجۂ حرارت میں اضافہ، شدید گرمی، ایک کی موت، ۱۰۰؍ سے زائد اسپتال داخل

جاپان میں درجہ حرارت میں اضافہ اور شدید گرمی کی وجہ سے ایک شخص کی موت ہوگئی جبکہ ۱۰۰؍ افراد کو اسپتال منتقل کیا گیا۔

مقامی میڈیا نے اطلاع دی ہے کہ جاپان کے مرکزی پریفیکچور گیفو میں گرم لہر کی وجہ سے ایک شخص کی موت ہوئی ہے۔ پبلک براڈکاسٹر این ایچ کے مطابق ’’جمعرات کو اکیدا کے قصبے میں ایک ۹۰؍ سالہ شخص اپنے گھر کے فرش پر بے ہوش پایا گیا۔ انہیں اسپتال منتقل کیا گیا جہاں ڈاکٹروں نے انہیں مردہ قرار دے دیا۔ ‘‘ رپورٹ میں مقامی فائر ڈپارٹمنٹ کا حوالہ دیتے ہوئے کہا گیا ہے کہ ’’اس درمیان مقامی وقت کے مطابق ملک کے دارالحکومت ٹوکیو میں ۱۱؍ سال سے ۹۷؍ سال کی عمر کے ۱۰۰؍ افراد کو ہیٹ اسٹروک کی وجہ سے اسپتال منتقل کیا گیا ہے۔ حکام کے مطابق ’’ان میں سے ایک شخص کی حالت انتہائی نازک اور ۲؍ کی حالت انتہائی نازک ہے۔ ‘‘