پاک افغان ماہانہ تجارت میں مئی کے مہینے میں پاکستانی برآمدات میں 26 فیصد اضافہ ریکارڈ کیا گیا۔
ذرائع نے دعویٰ کیا کہ افغانستان کےلیے مئی میں ماہانہ بنیاد پر پاکستانی برآمدات 26 فیصد بڑھیں جبکہ گزشتہ ماہ مئی میں افغانستان کے لیے پاکستانی برآمدات 11 کروڑ ڈالرز رہیں۔
گزشتہ سال کے جولائی سے رواں مالی سال مئی میں افغانستان کےلیے برآمدات کا حجم 1 ارب 25 کروڑ ڈالرز رہا۔
گزشتہ سال اسی مدت میں افغانستان کے لیے پاکستانی برآمدات 99 کروڑ ڈالرز تھیں۔
اپریل 2025ء میں افغانستان کے لیے پاکستانی برآمدات کاحجم 8 کروڑ 70 لاکھ ڈالرز تھا۔
رواں مالی سال کے پہلے 11 ماہ میں پاک افغان دوطرفہ تجارت میں 22 فیصد اضافہ دیکھنے میں آیا ہے۔
مئی میں ماہانہ بنیاد پرپاک افغان دوطرفہ تجارت میں 21 فیصد کا اضافہ ہوا جبکہ اسی مہینے میں سالانہ بنیاد پر افغانستان کےلیے پاکستانی برآمدات میں 8 فیصد کمی دیکھی گئی۔
