بیروت (انٹرنیشنل نیوز ڈیسک ) – لبنان کے دارالحکومت بیروت میں واقع مصری سفارت خانے کے سامنے شہریوں نے ایک احتجاجی مظاہرہ کیا ہے، جس میں مطالبہ کیا گیا کہ رفح سرحدی راستہ فوری طور پر کھولا جائے تاکہ غزہ کے عوام کے لیے غذائی امداد کی ترسیل ممکن ہو سکے۔
مظاہرین نے ہاتھوں میں بینرز اور پلے کارڈز اٹھا رکھے تھے جن پر فلسطینی عوام کے ساتھ یکجہتی اور مصری حکومت سے انسانی ہمدردی کی بنیاد پر کارروائی کرنے کا مطالبہ درج تھا۔ مظاہرین کا کہنا تھا کہ غزہ میں انسانی بحران شدت اختیار کر چکا ہے اور خوراک، پانی اور ادویات کی شدید قلت ہے۔
شرکاء کا کہنا تھا کہ اگر رفح کراسنگ کو بند رکھا گیا تو ہزاروں جانیں خطرے میں پڑ سکتی ہیں۔ انہوں نے عالمی برادری، اقوام متحدہ اور عرب ممالک سے بھی اپیل کی کہ وہ فوری مداخلت کریں تاکہ امدادی سامان غزہ کے شہریوں تک پہنچایا جا سکے۔
احتجاج پرامن رہا اور سیکیورٹی اہلکاروں کی موجودگی میں ختم ہوا، تاہم مظاہرین نے اعلان کیا کہ اگر سرحد نہ کھولی گئی تو احتجاج کا دائرہ مزید وسیع کیا جائے
