(احمد منصور)بھارت کو عالمی سطح پر ایک بار پھر شدید سبکی اور رسوائی، پے درپے بھارتی فضائی حادثات کے بعد ایک اور ایئر انڈیا کا پائلٹ نشے کی حالت میں کینیڈا میں گرفتار کر لیا گیا ،نشے میں دھت بھارتی پائلٹ نے بھارتی ایوی ایشن نظام کے ناقص نظام کی قلعی کھول دی۔
برطانوی نیوز ایجنسی رائٹرز اورآذربائیجان کے جریدہ نیوز اے زی کے مطابق ایئر انڈیا کی پرواز نشے میں ڈوبے پائلٹ کی وجہ سےکینیڈا کے ہوائی اڈے پر روک دی گئی۔
رائٹرز کے مطابق نشے کے زیراثر پائے جانے پر ٹیک آف سے قبل ایئر انڈیا کے بھارتی پائلٹ کو پرواز سے فوراََ ہٹا دیا گیا،کینیڈا کے ٹرانسپورٹ ریگولیٹر نے ایئر انڈیا سے پائلٹ کے نشے کے واقعے کی تحقیقات کا مطالبہ کیا ہے۔
برطانوی خبر ایجنسی کے مطابق بھارتی ایئر لائنز کے پائلٹ کا نشے کے زیراثر ہونے پر میڈیکل ٹیسٹ کیا گیا۔
نیوز اے زی کے مطابق ٹرانسپورٹ کینیڈا نے ایئر انڈیا کو 26 جنوری تک تحقیقات کے نتائج جمع کرانے کی سختی سے ہدایت کی،بھارت کے ڈائریکٹوریٹ جنرل آف سول ایوی ایشن نے ایئر انڈیا کے 4 پائلٹس کو وارننگ نوٹس بھی جاری کئے ۔
یہ بھی پڑھیں:سابق کپتان نے معافی مانگ لی
نیوز اے زی کے مطابق پائلٹس پر تکنیکی مسائل کے باوجود بوئنگ 787 کو پرواز آپریشن کے لیے قبول کرنے کا الزام ہے،اس سے قبل 12جون کوایئر انڈیا کا جہازاحمد آباد کے قریب ایوی ایشن کی غفلت کے باعث گر کر تباہ ہوا جس میں274 ہلاکتیں ہوئی تھیں۔
عالمی ایوی ایشن ماہرین کے مطابق بھارت میں فضائی تحفظ کے مسائل انفرادی واقعات نہیں رہے بلکہ یہ ایک انتظامی ناکامی کی شکل اختیار کر چکے ہیں۔
ماہرین کے مطابق بار بار پیش آنے والے حادثات، پائلٹس پر الزامات اور ریگولیٹری وارننگزثبوت ہیں کہ بھارت کا سول ایوی ایشن نگرانی کانظام کمزور ہو چکا ہے،بھارتی ایوی ایشن کے طیاروں اور اسکے پائلٹس کی غیر اخلاقی و پیشہ ورانہ اقدار انسانی جانوں کیلئے خطرات کا باعث بن چکے ہیں۔
