ایران کے جنگی نقصانات 270 ارب ڈالر تک پہنچ گئے، ترجمان ایرانی حکومت

IMG 20260414 WA1883


تہران: ایران نے جاری جنگ کے باعث ہونے والے مجموعی مالی نقصانات کا تخمینہ تقریباً 270 ارب ڈالر لگایا ہے، جس سے ملکی معیشت، بنیادی ڈھانچے اور توانائی کے شعبے کو شدید دھچکا پہنچا ہے۔
ایرانی حکومت کے ترجمان نے اپنے بیان میں کہا ہے کہ ایران اپنے عوام کے حقوق کا ہر صورت دفاع کرے گا اور جنگ میں جاں بحق ہونے والے افراد کے خون کا بھی حساب لیا جائے گا۔ ان کا کہنا تھا کہ متاثرہ خاندانوں کو انصاف اور معاوضہ فراہم کرنا حکومت کی ذمہ داری ہے۔
ترجمان نے مزید کہا کہ نقصانات کے یہ اعداد و شمار ابتدائی ہیں، جبکہ حتمی اعداد و شمار تفصیلی جائزے کے بعد جاری کیے جائیں گے۔ حکام کے مطابق مختلف شعبوں میں ہونے والے نقصانات کا مکمل تخمینہ لگانے کے لیے تحقیقات جاری ہیں۔
ماہرین کے مطابق، اگر یہ تخمینہ درست ثابت ہوتا ہے تو یہ حالیہ تاریخ کے بڑے مالی نقصانات میں شمار ہوگا، جس کے اثرات خطے کی معیشت پر بھی پڑ سکتے ہیں۔

متعلقہ پوسٹ