اسرائیلی حملے میں ایران کے سلامتی سربراہ علی لاریجانی اور ان کے بیٹے مرتضیٰ شہید


تہران / بیت المقدس —
ایران نے تصدیق کی ہے کہ ملک کی سپریم نیشنل سیکیورٹی کونسل کے سربراہ علی لاریجانی اسرائیلی فضائی حملے میں اپنے بیٹے مرتضیٰ لاریجانی اور سیکیورٹی اہلکاروں کے ساتھ جاں بحق ہو گئے۔ ایران کی سپریم نیشنل سیکیورٹی کونسل نے اعلان کیا کہ علی لاریجانی اپنے بیٹے اور سیکیورٹی اہلکاروں سمیت اس حملے میں کام آئے۔ 
لاریجانی ایران کے وہ اعلیٰ ترین عہدیدار ہیں جو اس جنگ کے دوران مارے گئے، سوائے سابق سپریم لیڈر آیت اللہ علی خامنہ ای کے جو ۲۸ فروری کو جنگ کے پہلے ہی دن ہلاک ہوئے تھے۔ 
علی لاریجانی ۱۹۵۸ء میں نجف، عراق میں پیدا ہوئے اور ریاضی، کمپیوٹر سائنس اور مغربی فلسفے میں اعلیٰ تعلیم حاصل کی۔ وہ ۲۰۰۸ء سے ۲۰۲۰ء تک تین مسلسل مدتوں تک پارلیمنٹ کے اسپیکر رہے اور ایران کے ایٹمی مذاکرات میں کلیدی کردار ادا کیا۔ 
ایران نے اس ہلاکت کا بدلہ لینے کا عزم ظاہر کیا ہے اور آئی آر جی سی نے اسرائیل پر "شدید” حملوں کا اعلان کیا ہے۔ 

متعلقہ پوسٹ