وزارت مواصلات اور این ایچ اے میں بڑے پیمانے پر اصلاحات کا آغاز: کرپشن، سیاسی اثر و رسوخ اور عدالتی دباؤ کے تحت بڑے فیصلے متوقع

اسلام آباد (رپورٹ: محمد سلیم سے ) — وزارت مواصلات اور نیشنل ہائی وے اتھارٹی (NHA) میں کرپشن، بے ضابطگیوں اور سیاسی اقربا پروری نے ایک بار پھر وفاقی حکومت کو کٹہرے میں لاکھڑا کیا ہے۔ ذرائع کے مطابق اگلے چند دنوں میں اعلیٰ سطحی تبادلوں، برطرفیوں اور ممکنہ گرفتاریوں کا سلسلہ شروع ہونے والا ہے، جو ان اداروں میں جاری طویل بدعنوانی کے خلاف ایک اہم موڑ ثابت ہو سکتا ہے۔اہم تبدیلیاں اور ممکنہ اقدامات۔خرم آغا کو بیک وقت سیکرٹری مواصلات اور سی ای او این ایچ اے بنانے کی تجویز زیر غور ہے۔علی شیر محسود کو خیبرپختونخوا کے ایڈیشنل چیف سیکرٹری کے طور پر ٹرانسفر کیا جا سکتا ہے۔متنازع شہریار سلطان کو این ایچ اے سے ہٹا کر پنجاب میں تعینات کرنے کی تیاری ہو چکی ہے۔مظہر حسین شاہ، منصور اعظم، سروت حبیب ملک، افتخار محبوب سمیت کئی افسروں کے خلاف سخت محکمانہ کارروائی اور ڈیپوٹیشن پر پابندی کی سفارشات زیر غور ہیں۔عدالتی کارروائیاں اور سپریم کورٹ کا سخت ردعمل:اسلام آباد ہائی کورٹ میں دائر کیس راؤ وحید بمقابلہ چیئرمین این ایچ اے کی سماعت کے دوران چیف جسٹس عامر فاروق نے سی ای او شہریار سلطان کی سرزنش کرتے ہوئے ریمارکس دیے: "کیا آپ واقعی سول سرونٹ ہیں؟ پارلیمنٹ کی خودمختاری کے ساتھ یہ مذاق ہے؟”عدالت نے فیصلہ محفوظ کر لیا ہے جو ادارے کے مستقبل پر گہرے اثرات ڈال سکتا ہے۔وزارتی من مانیاں اور مالی بے ضابطگیاں:وفاقی وزیر عبدالعلیم خان پر 470 ملین روپے کی خطیر رقم سیاسی اور ذاتی مفادات پر خرچ کرنے کا الزام ہے، جن میں شامل ہیں:بلیک لسٹ ٹھیکیداروں کو نوازنا پرتعیش دفتروں کی تعمیر (مبینہ طور پر ذاتی ہاؤسنگ اسکیم کے لیے)غیر ضروری تزئین و آرائش اور خریداریذرائع ان اقدامات کو "Conflict of Interest” قرار دیتے ہیں جو براہ راست قومی مفادات سے ٹکراؤ رکھتے ہیں۔تحائف میں دی گئی گاڑیاں اور مانیٹائزیشن پالیسی کی خلاف ورزیاں:متعدد افسران نے سرکاری گاڑیاں ذاتی استعمال میں لے رکھی ہیں جبکہ آڈٹ افسران کو خاموشی کے عوض مبینہ طور پر گاڑیاں بطور تحفہ دی گئیں۔اصلاحاتی پیش رفت کا آغاز:شکیل انور، میاں طارق لطیف، ڈاکٹر مریم خان کو عہدوں سے فارغ کر دیا گیا ہے۔مزید انکوائریاں، نیب اور ایف آئی اے کی تحقیقات، اور ممکنہ گرفتاریاں جلد متوقع ہیں۔