غزہ — فلسطینی مزاحمتی تنظیم حماس نے اسرائیلی وزیراعظم بن یامین نیتن یاہو کے غزہ پٹی پر مکمل کنٹرول کے منصوبے کو مسترد کرتے ہوئے اسے نسل کشی اور جبری بے دخلی کی سازش قرار دیا ہے۔قطری نشریاتی ادارے الجزیرہ کے مطابق حماس نے نیتن یاہو کے فاکس نیوز انٹرویو کی مذمت کرتے ہوئے کہا کہ یہ بیانات غزہ جنگ بندی مذاکرات سے پسپائی کا ثبوت ہیں اور ظاہر کرتے ہیں کہ وہ ذاتی مفادات اور انتہا پسند ایجنڈے کے لیے اسرائیلی مغویوں کی قربانی دینے پر بھی آمادہ ہیں۔حماس نے واضح کیا کہ غزہ قابض قوتوں کے کسی بھی منصوبے کے خلاف مزاحمت جاری رکھے گا اور فلسطینی عوام کے خلاف جارحیت کی بھاری قیمت اسرائیل کو چکانی پڑے گی۔خیال رہے کہ نیتن یاہو نے اپنے انٹرویو میں غزہ پر مکمل قبضے کے منصوبے کی تصدیق کرتے ہوئے کہا تھا کہ یہ اقدام حماس کے خاتمے اور علاقے کو عرب حکام کے حوالے کرنے کے لیے کیا جا رہا ہے۔
متعلقہ پوسٹ
وزیراعظم شہباز شریف کی صدر زرداری سے ملاقات، مشرق وسطیٰ سمیت اہم امور پر تبادلہ خیال
اسلام آباد — وزیراعظم شہباز شریف نے ایوان صدر میں صدر مملکت آصف علی زرداری سے اہم ملاقات کی، جس میں مشرق وسطیٰ کی صورتحال، ملکی سلامتی، معاشی حالات اور توانائی بحران سمیت متعدد اہم امور پر تفصیلی گفتگو ہوئی۔ذرائع کے مطابق وزیراعظم نے مشرق وسطیٰ کی موجودہ صورتحال میں پاکستان کے سفارتی کردار پر صدر مملکت کو اعتماد میں…
ایران پر خاموشی، اپوزیشن نے مودی کے اسرائیل دورے اور پارلیامنٹ میں بحث نہ ہونے پر اٹھائے سوال
مغربی ایشیا میں جاری کشیدگی کے سلسلے میں منعقد آل پارٹی میٹنگ کے دوران جب اپوزیشن نے ایران اور امریکہ کے درمیان اسلام آباد کے بیک چینل ثالث کے طور پر ابھرنے پر سوال اٹھایا، تو حکومت نے جواب دیا کہ ہندوستان پاکستان کی طرح’دلال ملک‘ نہیں ہے۔ مرکزی وزیر کرن رجیجو نے کہا کہ حکومت نے اجلاس میں تمام…
پڑھائی چھوڑ کر گھر لوٹنے کو مجبور ہو رہے ہیں طلبہ
مغربی ایشیا میں جاری جنگ سے پیدا ہونے والا توانائی بحران کئی شہروں کو متاثر کر رہا ہے۔ انہی میں ایک الہ آباد بھی ہے، جہاں مسابقتی امتحانات کی تیاری کرنے والے طلبہ رسوئی گیس کی قلت اور مہنگائی سے جوجھ رہے ہیں۔ خوراک جیسی بنیادی ضرورت بھی بحران کی زد میں ہے، جس کے باعث ان کی پڑھائی، ذہنی…
