برطانیہ کے دارالحکومت لندن میں ہفتے کے روز پولیس نے کم از کم 365 افراد کو گرفتار کر لیا، جو فلسطین ایکشن کی حمایت میں احتجاج کر رہے تھے۔
یہ احتجاج گزشتہ ماہ انسدادِ دہشت گردی قانون کے تحت گروپ پر پابندی لگنے کے بعد سے اب تک کا سب سے بڑا مظاہرہ تھا۔ عینی شاہدین کے مطابق، مظاہرین نے اسرائیلی ہتھیار ساز کمپنیوں کے دفاتر اور سرکاری عمارتوں کے قریب ریلیاں نکالیں، جس پر پولیس نے سخت کارروائی کی۔
پولیس کا کہنا ہے کہ گرفتاریاں پبلک آرڈر کی خلاف ورزی، غیر قانونی اجتماع اور گروپ کی ممنوعہ سرگرمیوں میں شمولیت کے الزامات کے تحت کی گئیں۔
