آئی ٹی سی این ایشیا 2026: ڈیجیٹل کنیکٹیویٹی اور عالمی شراکت داری میں نئی پیش رفت

اسلام آباد: اسپیشل انویسٹمنٹ فسیلیٹیشن کونسل (ایس آئی ایف سی) کی اسٹریٹجک معاونت سے آئی ٹی سی این ایشیا 2026 پاکستان میں ڈیجیٹل سرمایہ کاری، عالمی تعاون اور ٹیکنالوجی شراکت داری کے فروغ کا ایک مؤثر پلیٹ فارم بن کر سامنے آیا ہے۔
ایونٹ کے دوسرے روز بھی اسٹریٹجک شراکت داریوں اور اہم معاہدوں کا سلسلہ جاری رہا، جس نے پاکستان کے تیزی سے ترقی کرتے ڈیجیٹل ایکو سسٹم اور عالمی سرمایہ کاری کے نئے مواقع کو اجاگر کیا۔
ایونٹ کے دوران گلگت بلتستان سافٹ ویئر ہاؤس ایسوسی ایشن اور پریمیئر کیبلز کے درمیان خطے میں ڈیجیٹل کنیکٹیویٹی بہتر بنانے کے لیے معاہدہ طے پایا۔ معاہدے کا مقصد ڈیجیٹل اور مواصلاتی انفراسٹرکچر کو مضبوط بنانا، رسائی میں اضافہ اور طویل المدتی سماجی و معاشی ترقی کو فروغ دینا ہے۔
آئی ٹی سی این ایشیا 2026 عالمی سرمایہ کاری اور ٹیکنالوجی تعاون کے لیے ایک مؤثر پلیٹ فارم کے طور پر ابھرا ہے، جہاں پاکستان کو ڈیجیٹل جدت کے ایک ابھرتے ہوئے مرکز کے طور پر پیش کیا جا رہا ہے۔
عالمی سی آئی ایس او سمٹ نمایاں رہی
ایونٹ کے موقع پر منعقد ہونے والی عالمی سی آئی ایس او سمٹ نے خصوصی توجہ حاصل کی، جس میں 50 سے زائد ممالک کے 500 سے زیادہ سینئر سائبر سیکیورٹی اور ٹیکنالوجی رہنماؤں نے شرکت کی۔
عالمی سی آئی ایس او فورم کے صدر ڈاکٹر اردال اوزکایا نے سمٹ کی قیادت کی، جس میں پاکستان کے سائبر سیکیورٹی منظرنامے کو عالمی سطح پر اجاگر کیا گیا۔
ایس آئی ایف سی کی سہولت کاری کے تحت نئی شراکت داریوں اور کنیکٹیویٹی اقدامات کے ساتھ آئی ٹی سی این ایشیا 2026 کا دوسرا دن کامیابی سے اختتام پذیر ہوا، جو پاکستان کو ڈیجیٹل جدت، عالمی تعاون اور سائبر سیکیورٹی قیادت کے ایک مضبوط مرکز کے طور پر پیش کر رہا ہے۔