کراچی: امریکی قونصل خانے کے باہر پُرتشدد احتجاج، متعدد افراد جاں بحق

کراچی — ایران کے سپریم لیڈر آیت اللہ علی خامنہ ای کی شہادت کی خبر پھیلتے ہی کراچی میں امریکی قونصل خانے کے باہر پُرتشدد احتجاج پھوٹ پڑا جس میں متعدد افراد جاں بحق اور درجنوں زخمی ہو گئے۔
مظاہرین نے امریکی قونصل خانے کی جانب مارچ کیا اور سیکیورٹی فورسز سے جھڑپیں ہوئیں۔ سول ہسپتال کراچی نے متعدد لاشوں اور زخمیوں کی آمد کی تصدیق کی۔ تمام ہلاکتیں اور زخم فائرنگ سے ہوئے تاہم فائرنگ کس جانب سے ہوئی، اس کی ابھی تک آزاد ذرائع سے تصدیق نہیں ہو سکی۔
سندھ حکومت نے واقعے کی تحقیقات کے لیے جے آئی ٹی تشکیل دے دی ہے جبکہ امریکی سفارتخانے نے تصدیق کی کہ وہ صورتحال کی نگرانی کر رہے ہیں اور امریکی شہریوں کو بڑے اجتماعات سے دور رہنے کی ہدایت کی گئی ہے۔
یاد رہے کہ آیت اللہ خامنہ ای 28 فروری 2026 کو امریکہ اور اسرائیل کے مشترکہ فضائی حملے میں شہید ہوئے، جس کے بعد پاکستان کے متعدد شہروں میں احتجاجی مظاہرے شروع ہو گئے اور اسلام آباد میں دفعہ 144 نافذ کر دی گئی۔