(ویب ڈیسک) پاسداران انقلاب کے بحری ونگ کے سربراہ علی رضا تنگسیری اسرائیل کی ائیر سٹرائیک میں مارے گئے۔ علی رضا تنگسیری کو مارنے کا اعلان اسرائیل کے وزیر دفاع نے خود کیاہے۔ ایرانی حکام اس پر خاموش ہیں۔ علی رضا تنگسیری آبنائے ہرمز میں کمرشل جہاز رانی میں رکاوٹ ڈالنے کے آپریشنز کی قیادت کر رہے تھے۔
الجزیرہ نیوز نے بتایا کہ پاسداران انقلاب (IRGC) کی بحریہ کے کمانڈر علی رضا تنگسیری، جسے اسرائیل نے آج مارنے کا دعویٰ کیا ہے، ایران کی ایک طاقتور فوجی شخصیت ہیں جو کئی سال سے پاسداران کے سمندری ونگ کی قیادت کر رہے تھے۔
پاسداران انقلاب نیوی (IRGCN) ایران کی واحد بحریہ نہیں ہے۔ ایران ایک منفرد ڈوئل سروس میری ٹائم ڈھانچہ چلاتا ہے جہاں IRGCN ("سپاہ بحریہ”) اور اسلامی جمہوریہ ایران بحریہ (IRIN، یا "Artesh Navy”) الگ الگ، متوازی شاخوں کے طور پر مختلف کرداروں اور آلات کے ساتھ کام کرتے ہیں۔
ی ہبھی پڑھیں: مذاکرات نہیں تو زمینی قبضہ؛ امریکہ کیا تیاری کر رہا ہے، باخبر ویب سائٹ کی رپورٹ
بتایا جاتا ہے کہ حالیہ ہفتوں میں آبنائے ہرمز میں کمرشل بحری جہازوں کی آمد و رفت روکنے کا زیادہ کام پاسداران کے بحری ونگ نے کیا ہے جس کے کمانڈر علیرضا تنگسیری نے برسوں تک IRGC کی بحری فواج کی قیادت کی ہے اور انہیں اس کی تکنیکی صلاحیتوں دونوں کو بڑھانے کے لیے بڑے پیمانے پر کام کرنے کے لیے جانا جاتا ہے۔
ایرانی بحریہ میں سمندر میں استعمال کے لیے ڈرون تیار کروانے کا بھی کارنامہ انہوں نے انجام دیا۔
حالیہ ہفتوں میں، ایسا لگتا ہے کہ وہ ساحلی ایرانی شہر بندر عباس میں موجود تھے، اور ایرانی حکومت کی جانب سے آبنائے ہرمز کو بند کرنے کی کوششوں کی براہ راست نگرانی کر رہے تھے۔
علی رضا تنگسیری کا ٹویٹر اکاؤنٹ بھی سرگرم رہہتا ہے۔ آج کل یہ اکاؤنٹ کمرشل بحری جہازوں کو آبنائے سے گزرنے کی اجازت دیتا پایا جاتا ہے۔
تنگسیری، جسے مرحوم سپریم لیڈر آیت اللہ علی خامنہ ای نے مقرر کیا تھا، ان اہم شخصیات میں سے ایک ہیں جن پر پاسداران ایران کی قیادت بھروسہ کرتی ہے۔ وہ ان کمانڈروں میں سے ایک تھے جو 2025 اور 2026 میں قتل کی دو لہروں سے بچ گئے تھے۔
آج اسرائیل کے وزیر دفاع نے خود یہ اعلان کیا ہے کہ ایرانی نیول کمانڈر علی رضا تنگسیری مارے گئے ہیں۔
یہ بھی پڑھیں: ابوظہبی پر ایرانی میزائل حملہ، پاکستانی سمیت تین سویلین افراد مارے گئے، تین زخمی
