واشنگٹن / کراچی — خصوصی رپورٹ
دنیا کے امیر ترین شخص ایلون مسک کی خلائی کمپنی اسپیس ایکس نے مصنوعی ذہانت پر مبنی کوڈ ایڈیٹنگ ٹول کرسر کو 60 ارب ڈالر میں خریدنے کا معاہدہ کیا ہے۔ اس کامیابی کو پاکستان کے لیے خصوصی اعزاز اس لیے قرار دیا جا رہا ہے کیونکہ کرسر کے شریک بانیوں میں کراچی سے تعلق رکھنے والے صالح آصف بھی شامل ہیں۔
معاہدے کی تفصیل
اسپیس ایکس نے ایکس پر اعلان کیا کہ کرسر نے انہیں رواں سال 60 ارب ڈالر میں کمپنی خریدنے کا اختیار دیا ہے۔ اگر یہ خریداری نہ ہوئی تو اسپیس ایکس باہمی تعاون کے لیے 10 ارب ڈالر ادا کرے گی۔ مقصد کرسر کی سافٹ ویئر مہارت کو اسپیس ایکس کے سپر کمپیوٹرز کے ساتھ ملا کر دنیا کے سب سے کارآمد اے آئی ماڈلز تیار کرنا ہے۔
کراچی سے ایم آئی ٹی تک
فوربز کے مطابق صالح آصف نے کراچی میں ابتدائی تعلیم حاصل کی اور 2016 تا 2018 بین الاقوامی ریاضی اولمپیاڈ میں پاکستان کی نمائندگی کی۔ بعد ازاں وہ میساچوسٹس انسٹیٹیوٹ آف ٹیکنالوجی (ایم آئی ٹی) پہنچے جہاں انہوں نے تین دوستوں کے ساتھ مل کر Anysphere قائم کی جس کے تحت کرسر تیار کیا گیا۔
کمپنی کی ترقی
کرسر کی سالانہ آمدنی اب ایک ارب ڈالر سے تجاوز کر چکی ہے۔ نومبر 2025 میں 2.3 ارب ڈالر کی سرمایہ کاری کے بعد کمپنی کی مجموعی مالیت 29.3 ارب ڈالر تک پہنچ گئی۔ اس وقت دنیا بھر کی 50 ہزار کمپنیوں کے سافٹ ویئر ڈویلپرز کرسر استعمال کر رہے ہیں۔
سابق نگران وزیر آئی ٹی ڈاکٹر عمر سیف نے صالح آصف کو پاکستانی نوجوانوں کے لیے حقیقی رول ماڈل قرار دیتے ہوئے کہا کہ یہ محض 26 سال کی عمر میں سیلف میڈ ارب پتی ہیں جنہوں نے کوڈنگ کی دنیا بدل دی۔
متعلقہ پوسٹ
"امریکی اڈے اور جنگی جہاز نشانے پر ہوں گے” — ایرانی فوج کی سخت وارننگ
تہران — ایرانی مسلح افواج کے میجر جنرل مجید موسوی نے امریکا کو سخت الفاظ میں خبردار کیا ہے کہ اگر ایران پر مزید حملے ہوئے تو امریکی فوجی اڈوں اور جنگی جہازوں کو براہِ راست نشانہ بنایا جائے گا۔میجر جنرل موسوی نے کہا کہ ایران کا جوابی ردِعمل طویل اور انتہائی سخت ہوگا، اور یہ جواب اس وقت بھی…
امریکا ایٹمی ہتھیار استعمال نہیں کرنا چاہتا، مگر ان کی کارکردگی جانچنا ضروری ہے، ٹرمپ
سابق امریکی صدر ڈونلڈ ٹرمپ نے کہا ہے کہ امریکا کا مقصد ایٹمی ہتھیار استعمال کرنا نہیں بلکہ ان کی استعداد اور کارکردگی کو برقرار رکھنا ہے۔ایک تقریب سے خطاب میں ڈونلڈ ٹرمپ نے کہا کہ ایٹمی ہتھیاروں کی موجودگی کسی جنگ کے لیے نہیں بلکہ عالمی امن کے تحفظ کے لیے ہے۔ تاہم، ان کے مطابق امریکا کو وقتاً…
امریکہ-اسرائیل کی جانب سے ایران پر حملے کا چوتھا دن: ٹرمپ بولے
امریکی صدر ڈونالڈ ٹرمپ نے اسرائیل کے ساتھ مل کر ایران کے خلاف جنگ میں اترنے کے اپنے انتظامیہ کے فیصلے کا دفاع کرتے ہوئے کہا کہ ایران کا بیلسٹک میزائل پروگرام تیزی سے بڑھ رہا ہے اور اس سے امریکہ اور بیرون ملک تعینات ہماری افواج کے لیے واضح اور بڑا خطرہ پیدا ہو رہا ہے۔ امریکی صدر ڈونالڈ…
اسلام آباد اور پنجاب میں پبلک ٹرانسپورٹ مفت — پٹرول 458 روپے فی لیٹر
اسلام آباد: وفاقی وزیر داخلہ محسن نقوی نے وزیراعظم شہباز شریف کی ہدایت پر وفاقی دارالحکومت اسلام آباد میں تمام پبلک ٹرانسپورٹ آئندہ 30 روز کے لیے مفت کرنے کا اعلان کیا ہے۔ اس منصوبے کے لیے 35 کروڑ روپے مختص کیے گئے ہیں اور تمام اخراجات وزارت داخلہ برداشت کرے گی۔ادھر پنجاب میں وزیراعلیٰ مریم نواز نے بھی صوبے…
