پاکستان نے بیکنہم میں پی سی سی سلیکٹ الیون کے خلاف تین روزہ وارم اپ میچ کے پہلے دن عمدہ کارکردگی کا مظاہرہ کیا۔
پی سی سی سلیکٹ الیون ٹاس جیت کر پہلے بیٹنگ کرتے ہوئے 305 رنز پر آل آؤٹ ہوگئی جس کے بعد پاکستان کے اوپنرز امام الحق اور اذان اویس نے دن کے اختتام تک 44 رنز کی ناقابل شکست شراکت قائم کی۔
پی سی سی سلیکٹ الیون کی جانب سے سیف زیب (65)، میٹ فشر (62 ناٹ آؤٹ)، کالیب فالکنر (59) اور ٹام ہینز (51) نے نصف سنچریاں اسکور کیں۔
پاکستان کی طرف سے محمد علی اور محمد عباس نے تین، تین وکٹیں حاصل کیں جبکہ دیگر بولرز نے بھی اہم کردار ادا کیا۔
یہ پاکستان کا انگلینڈ کے خلاف 19 اگست سے ہیڈنگلے میں شروع ہونے والے پہلے ٹیسٹ سے قبل آخری وارم اپ میچ ہے جسے کھلاڑیوں کی دستیابی کے باعث چار کے بجائے تین روز تک محدود کیا گیا ہے۔
