ایران کے مرکزی بینک کے گورنر عبدالناصر نے کہا کہ امریکی پابندیوں اور اقتصادی دباؤ کے باوجود ایران کے پاس غیر ملکی کرنسی کا بڑا ذخیرہ موجود ہے۔
میڈیا رپورٹس کے مطابق امریکی صدر ڈونلڈ ٹرمپ کو مخاطب کرتے ہوئے عبدالناصر نے کہا: "ایران کے پاس غیر ملکی کرنسی ہے، اور یہ کافی ہے۔”
نیم سرکاری تسنیم نیوز ایجنسی کے مطابق، تہران میں ایک کانفرنس سے خطاب کرتے ہوئے عبدالناصر نے کہا کہ مرکزی بینک غیر ملکی زرمبادلہ کی مارکیٹ میں 2 ارب ڈالر لگانے کے لیے تیار ہے۔
اقتصادی تباہی کے امریکی دعووں کو مسترد کرتے ہوئے، انہوں نے کہا کہ ایران غیر ملکی کرنسی کے محصولات اور وصولی کا سلسلہ جاری رکھے ہوئے ہے اور اس کے پاس ملکی ذخائر اور دیگر وسائل ہیں جن کی تفصیلات ان کے بقول ظاہر نہیں کی جا سکتیں۔
عبدالناصر نے کہا کہ ایران کا اقتصادی نظام نئی پابندیوں کے باوجود کام جاری رکھے ہوئے ہے۔
