اسرائیل کے مختلف شہروں پر لاکھوں شہد کی مکھیوں کا حملہ، فوجی طیارے ناکارہ

تل ابیب/نتیوت (بین الاقوامی رپورٹ): اسرائیل کے جنوبی شہر نتیوت کے تجارتی مرکز میں بدھ 15 اپریل 2026 کو لاکھوں شہد کی مکھیوں کے بڑے جھنڈ نے اچانک دھاوا بول دیا۔ مکھیوں کے اس غیر معمولی حملے نے شہر کے بازاروں، گلیوں، گاڑیوں اور رہائشی علاقوں کو متاثر کر دیا، جس کے نتیجے میں ایک فوجی طیارے کی پرواز متاثر ہوئی اور اسے اڑان بھرنے سے روک دیا گیا۔
مقامی میڈیا اور ویڈیوز کے مطابق مکھیوں کا جھنڈ اتنا گھنا تھا کہ دکانیں بند کرنی پڑیں، شہریوں کو گھروں میں رہنے اور دروازے کھڑکیاں بند رکھنے کی ہدایت کی گئی۔ مکھیاں گاڑیوں، بالکونیوں اور سڑکوں پر جم گئیں۔ حکام نے شہریوں سے التجا کی کہ وہ مکھیوں کے قریب نہ جائیں اور اندر ہی رہیں جب تک صورتحال کنٹرول میں نہ آ جائے۔
بعض رپورٹس میں بتایا گیا کہ یہ جھنڈ صرف نتیوت تک محدود نہیں رہا بلکہ تل ابیب اور دیگر علاقوں میں بھی مکھیوں کی سرگرمیاں دیکھی گئیں۔ ایک فوجی طیارے کے انجن میں مکھیوں کے داخل ہونے کی وجہ سے اس کی پرواز روک دی گئی۔
سوشل میڈیا پر لوگوں نے اسے "بائبلی پلگ” قرار دیا اور تبصرے کیے: "پہلے کوے، اب مکھیاں، اسرائیل پر خدا کا قہر”۔ کچھ صارفین نے اسے "اپوکلیپٹک منظر” کہا جبکہ ماہرین کا کہنا ہے کہ گرم موسم اور ماحولیاتی تبدیلیوں کی وجہ سے شہد کی مکھیوں کے بڑے جھنڈ اکٹھے ہونا ایک قدرتی عمل ہے۔
اسرائیلی حکام نے ہنگامی وارننگ جاری کی ہے اور مقامی میونسپلٹی صورتحال پر قابو پانے کی کوشش کر رہی ہے۔ ابھی تک کسی بڑے انسانی نقصان کی اطلاع نہیں ہے، البتہ شہری شدید خوف کا شکار ہیں۔