سالانہ 11 ہزار خواتین حمل میں جاں بحق، آبادی کنٹرول ناگزیر ہے: مصطفیٰ کمال

IMG 20260513 WA1981


اسلام آباد — 13 مئی 2026
وفاقی وزیر صحت مصطفیٰ کمال نے کہا ہے کہ پاکستان میں آبادی کو کنٹرول کرنا وقت کی اہم ترین ضرورت بن چکی ہے، کیونکہ ہر سال 11 ہزار خواتین حمل کے دوران یا زچگی کے باعث جاں بحق ہو جاتی ہیں۔
اسلام آباد میں پاکستان پاپولیشن سیمینار سے خطاب کرتے ہوئے وزیر صحت نے بتایا کہ وزارت صحت آبادی کنٹرول کے موضوع پر سنجیدگی سے کام کر رہی ہے، اس ضمن میں ملکی اور بین الاقوامی ماہرین کی رائے لی جا رہی ہے اور ایک جامع ایکشن پلان مرتب کیا جا چکا ہے۔
اسی سیمینار میں وفاقی وزیر منصوبہ بندی احسن اقبال نے کہا کہ آبادی کا مسئلہ محض اعداد و شمار کا معاملہ نہیں بلکہ یہ تعلیم، صحت، انفراسٹرکچر اور انفرادی صلاحیت سے براہِ راست جڑا ہوا ہے۔ انہوں نے خبردار کیا کہ جب آبادی وسائل سے تجاوز کر جائے تو فی کس وسائل کم ہو جاتے ہیں اور ترقی کا سفر مزید دشوار ہو جاتا ہے۔
یہ سیمینار ایسے وقت میں منعقد ہوا جب پاکستان دنیا کی پانچویں بڑی آبادی کا حامل ملک بن چکا ہے اور ماہرین عرصے سے آبادی میں بے قابو اضافے کو اقتصادی بحران کی بڑی وجوہات میں شمار کر رہے ہیں۔

متعلقہ پوسٹ