( ویب ڈیسک )جنوبی افریقہ کے مشرقی صوبہ کوازولو میں مسلح افراد نے رات گئے ایک گھر میں فائرنگ کر کے 11 افراد کو ہلاک اور تین کو زخمی کر دیا۔
فائرنگ کا واقعہ ڈربن کے جنوب میں ٹاؤن شپ میں پیش آیا، جنوبی افریقہ میں قائم ٹیلی ویژن نیوز چینل نے رپورٹ کیا کہ متاثرین میں ایک حاملہ خاتون بھی شامل ہے۔
حملے کے نتیجے میں دس افراد موقع پر ہی دم توڑ گئے، جب کہ ایک اور شخص اسپتال لے جانے کے دوران زخموں کی تاب نہ لاتے ہوئے دم توڑ گیا۔
یہ بھی پڑھیں:چینی وِگ اور ناخن چھا گئے، ایکسپورٹرز کی چاندی ہوگئی
متاثرین ٹاؤن شپ میں ایک رہائشی املاک کے اندر جمع تھے جب مقامی وقت کے مطابق رات 11 بجے سے پہلے نامعلوم حملہ آوروں نے احاطے میں گھس کر فائرنگ کی۔
جائے وقوعہ سے فرار ہونے سے پہلے حملہ آوروں نے گھر کے مالک کی گاڑی کو آگ بھی لگا دی۔
مہلک حملے کے پیچھے محرک نامعلوم ہے، اور حکام نے کسی گرفتاری کا اعلان نہیں کیا ہے اور نہ ہی مشتبہ افراد کی شناخت کی ہے۔
