بھارتی حکام کی جانب سے کاکروچ تحریک کے زیر اہتمام مظاہرے کو روکنے کے لیے کوششیں تیز کردی گئی ہیں.
میڈیا رپورٹس کے مطابق بھارتی پولیس نے دہلی میں 2,000 سے زیادہ مظاہرین اور "کاکروچ” نوجوانوں کی تحریک کے بانی کو حراست میں لے لیا ہے.
بھارتی سیکورٹی فورسز نے بھارت کے انتخابی سربراہ کے استعفے کا مطالبہ کرنے والی ریلی کو ناکام بنانے کے لیے دارالحکومت کے کچھ حصوں کو بند کر دیا ہے۔
ہزاروں پولیس اور نیم فوجی اہلکاروں کو شہر بھر میں تعینات کیا گیا تھا، مرکزی کاروباری ضلع میں موبائل انٹرنیٹ خدمات معطل کر دی گئی تھیں اور درجنوں میٹرو سٹیشن اور بازار بند کر دیے گئے تھے.
واضح رہے کہ احتجاج کا مقصد چیف الیکشن کمشنر گیانیش کمار کی جانب سے ووٹر لسٹوں کی نظرثانی پر تھا جس کے بارے میں ناقدین کا کہنا ہے کہ وزیر اعظم نریندر مودی کی حکمراں بھارتیہ جنتا پارٹی کو غیر متناسب فائدہ پہنچایا گیا ہے۔
