پشاور اسکول سانحہ کے متاثرہ خاندانوں میں امدادی چیک تقسیم
ڈپٹی کمشنر پشاور نے متاثرہ خاندانوں سے ملاقاتیں کیں اور ان کے دکھ میں شریک ہوئے
-
سلمان علی اعوان -
گورنرخیبر پختونخوا کی خصوصی ہدایت پر ڈپٹی کمشنر پشاور نے اسکول سانحہ کے متاثرہ خاندانوں میں امدادی چیکس تقسیم کیے اور سوگوار خاندانوں کے ساتھ دن گزارا۔
شہید بچوں کے متاثرہ والدین کی مالی معاونت کے لیے مجموعی طور پر ایک کروڑ 90 لاکھ روپے کے چیک تقسیم کیے گئے۔
ڈپٹی کمشنر پشاور نے متاثرہ خاندانوں سے ملاقاتیں کیں اور ان کے دکھ میں شریک ہوئے تاہم ضلعی انتظامیہ کی ٹیمیں موقع پر موجود رہ کر تمام زخمی بچوں کی حتمی فہرستیں تیار اور ان کی تصدیق کررہی ہیں۔
ڈپٹی کمشنر پشاور کے مطابق زخمی بچوں کے کوائف کی تصدیق کے بعد ایک دن کے اندر مالی امداد فراہم کر دی جائے گی۔
