پاکستان سپر لیگ (پی ایس ایل) کی فرنچائز ملتان سلطانز کے چیف ایگزیکٹیو آفیسر گوہر شاہ نے اتوار کو ٹیم میں برقرار رکھے جانے والے تمام کھلاڑیوں کی تنخواہوں میں نمایاں اضافے کا اعلان کیا ہے، حالانکہ لیگ کے قواعد کے تحت فرنچائز انہیں گذشتہ سیزن کی ہی تنخواہ پر برقرار رکھ سکتی ہے۔
گوہر شاہ نے ایکس پر اپنے بیان میں کہا کہ فرنچائز کے لیے کھلاڑیوں کی فلاح و بہبود اولین ترجیح ہے اور گذشتہ سیزن میں بعض کھلاڑیوں کے ساتھ بہتر معاہدے کرنے کے باوجود وہ اپنے برقرار رکھے جانے والے تمام کھلاڑیوں کو اضافی مالی فائدہ دینا چاہتے ہیں۔
انڈپینڈنٹ اردو کا واٹس ایپ گروپ یہاں جوائن کریں
انہوں نے کہا کہ ’گذشتہ شب ٹیم کے کپتان ایشٹن ٹرنر نے ان سے گفتگو کے دوران ایک اہم نکتے کی نشاندہی کی کہ اگرچہ فرنچائزز کے لیے کھلاڑی ایک کاروباری اثاثہ ہو سکتے ہیں لیکن وہ حقیقی انسان ہیں اور ان کے خاندان بھی ان کی آمدنی پر انحصار کرتے ہیں۔
’کھلاڑیوں کو اپنی زندگی میں پی ایس ایل کھیلنے کے محدود مواقع ملتے ہیں، اس لیے ان مواقع کی قدر کرنا ضروری ہے۔‘
گوہر شاہ نے واضح کیا کہ ملتان سلطانز کھلاڑیوں یا ان کے ایجنٹس کو کسی قسم کی خفیہ ادائیگی یا قواعد سے ہٹ کر اضافی بونس نہیں دے گی۔ ان کا کہنا تھا کہ فرنچائز ایسے کسی غیر شفاف طریقہ کار میں ملوث نہیں ہونا چاہتی۔
Important announcement: – All our players that will be retained will be given a very special pay rise. The rule says we can retain them for the same amount as last year. Even though we made some smart signings last year, player wellness is top of the agenda and they will be rewarded. – our captain Ashton Turner made a very valid point when I spoke with him last night whilst players are commodities for franchises , but you have to remember, they are real people and have families reliant on them. They will only have so many opportunities to play in the PSL in their life. – this is also a open message to all agents and players, we will not be making any under the table payments or any grey area bonuses. It is not a practice Multan Sultans wish to engage in. – if you play and perform for us, you will be looked after and provided the support above and beyond. – All talent that is waiting for opportunities like Arafat Minhas and Imran Randhawa were last year will be looked after. The goal is to win the championship this year.
— Gohar Shah (@goharshah95) November 15, 2026
انہوں نے مزید کہا کہ جو کھلاڑی ٹیم کے لیے کھیلیں گے اور اچھی کارکردگی دکھائیں گے، انہیں ہر ممکن تعاون اور توقعات سے بڑھ کر سہولیات فراہم کی جائیں گی۔
فرنچائز کے سی ای او نے خاص طور پر عارفات منہاس اور عمران رندھاوا جیسے نوجوان کھلاڑیوں کا ذکر کرتے ہوئے کہا کہ گذشتہ سیزن میں مواقع کے منتظر رہنے والے ایسے ٹیلنٹ کا بھی خیال رکھا جائے گا۔
اس سیکشن میں متعلقہ حوالہ پوائنٹس شامل ہیں (Related Nodes field)
گوہر شاہ کے مطابق ملتان سلطانز کا اس سیزن کا بنیادی ہدف چیمپیئن شپ جیتنا ہے۔
ملتان سلطانز نے 2018 میں پی ایس ایل کی چھٹی ٹیم کے طور پر لیگ میں شمولیت اختیار کی تھی اور 2021 میں پہلی مرتبہ چیمپیئن بنی۔
دوسری جانب انگلینڈ کے سابق آل راؤنڈر بین سٹوکس پی ایس ایل 2027 میں شرکت نہیں کریں گے۔ گوہر شاہ نے بھی ان کی عدم دستیابی کی تصدیق کی ہے۔
سٹوکس کی عدم شرکت کی اطلاعات اس وقت سامنے آئیں جب ان کا نام ملتان سلطانز کے ممکنہ ڈائریکٹ سائننگ کھلاڑیوں میں زیر گردش تھا۔
وہ آسٹریلیا کی بگ بیش لیگ میں ایڈیلیڈ سٹرائیکرز کی نمائندگی کریں گے۔

