حکومت اور مقتدر حلقوں کا بانی پی ٹی آئی کے خط پر ردعمل، ڈیل یا ڈھیل کا تاثر مسترد

2718896 imrankhanatadyalajail 1728202229


حکومت اور مقتدرحلقوں نے بانی پی ٹی آئی کے تازہ ترین خط کے حوالے سے کسی قسم کی ڈیل یا ڈھیل کو ٓمسترد کردیاہے۔

بانی پی ٹی آئی کے چیف جسٹسز کو خط سے ملک میں ڈیل یا ڈھیل کی نئی بحث شروع ہوگئی ہے تاہم اعلیٰ سطح کے حکومتی و ریاستی ذرائع نے کسی قسم کی ڈیل یا ڈھیل کو خارج ازامکان قرار دے دیا ہے۔

مبصرین کا کہنا ہے کہ بانی پی ٹی آئی کے وکلاء کو علاج کیلئے خط کی بجائے ہائیکورٹ میں پٹیشن فائل کرنی چاہیے، خط لکھنے کا مقصد صرف عوامی جذبات سے کھیلنا ہے۔

وفاقی وزیر اطلاعات عطاء تارڑنے ایکسپریس نیوز کے استفسار پر بتایاکہ بانی پی ٹی آئی کو ہر طرح کا ضروری علاج فراہم کیا جا رہا ہے، ان کے خط سے کسی ڈیل یا ڈھیل کا تاثر لینا بالکل مسترد کرتے ہیں،ایسا کچھ نہیں ہے۔

مقتدر حلقوں کا بھی کہنا ہے کہ بانی پی ٹی آئی کا خط کوئی ڈیل نہیں بلکہ ان کا اپنا ایک مائنڈ سیٹ ہے،وہ شروع دن سے اسی طرح صورتحال کو اچھالنے کی کوشش کرتے رہے ہیں۔





Source link

متعلقہ پوسٹ