واشنگٹن/بینکاک: امریکی سابق صدر ڈونلڈ ٹرمپ نے تھائی لینڈ اور کمبوڈیا کے درمیان جاری سرحدی کشیدگی پر تشویش کا اظہار کرتے ہوئے کہا ہے کہ وہ دونوں ممالک کے درمیان جنگ بندی کی کوشش کر رہے ہیں۔سوشل میڈیا پر جاری بیان میں ٹرمپ نے انکشاف کیا کہ انہوں نے تھائی لینڈ اور کمبوڈیا کے رہنماؤں سے ٹیلیفون پر بات چیت کی ہے اور اس پیچیدہ صورتحال کو آسان بنانے کی کوشش کر رہے ہیں۔ ان کے مطابق، دونوں فریقین جنگ بندی اور امن کے خواہاں ہیں اور جلد پیشرفت متوقع ہے۔
صدر ٹرمپ نے اس موقع پر پاکستان اور بھارت کے درمیان سیز فائر کا بھی ذکر کیا، اور کہا کہ تھائی-کمبوڈیا تنازع انہیں پاک-بھارت کشیدگی کی یاد دلاتا ہے، جسے انہوں نے اپنی کوششوں سے روکنے کا دعویٰ کیا تھا۔ یہ اس حوالے سے ٹرمپ کا 26واں بیان ہے۔دریں اثنا، تھائی لینڈ اور کمبوڈیا کے درمیان سرحدی جھڑپیں تیسرے روز بھی جاری رہیں، جن میں اب تک دونوں جانب سے 30 سے زائد افراد ہلاک ہو چکے ہیں، جبکہ سیکڑوں افراد نقل مکانی پر مجبور ہو گئے ہیں۔
امریکی تجزیہ کاروں کا کہنا ہے کہ ٹرمپ کا اس تنازع میں ثالثی کی کوشش کرنا ممکنہ طور پر ان کے دوبارہ انتخابی مہم کا حصہ بھی ہو سکتا ہے، جہاں وہ عالمی ثالث کی حیثیت کو نمایاں کرنے کی کوشش کر رہے ہیں۔
