غزہ: غزہ کے سرکاری میڈیا آفس نے پیر کے روز الزام عائد کیا ہے کہ اسرائیلی فوج کی جانب سے پانچ صحافیوں کے قتل کا مقصد ایک بڑے منصوبے کی راہ ہموار کرنا ہے، جس کے تحت اسرائیل غزہ شہر پر مکمل قبضہ کرنا چاہتا ہے۔
ہلاک ہونے والوں میں الجزیرہ کے نمائندے انس الشریف اور محمد قریقع بھی شامل ہیں۔ میڈیا آفس کے مطابق یہ واقعہ نہ صرف صحافت پر براہِ راست حملہ ہے بلکہ شہری آبادی کو خوفزدہ کرنے اور اطلاعات کے بہاؤ کو روکنے کی منظم کوشش بھی ہے۔
اسرائیلی حکام کی جانب سے تاحال اس الزام پر کوئی ردعمل سامنے نہیں آیا، تاہم بین الاقوامی صحافتی تنظیموں نے اس واقعے کی آزادانہ تحقیقات کا مطالبہ کیا ہے اور جنگی حالات میں صحافیوں کے تحفظ پر زور دیا ہے۔
