جرمنی کے مختلف شہروں میں ہزاروں افراد سڑکوں پر نکل آئے اور "غزہ میں نسل کشی بند کرو” کے نعرے لگائے۔ مظاہرین نے فلسطینی عوام سے یکجہتی کا اظہار کرتے ہوئے اسرائیلی کارروائیوں کے خلاف شدید احتجاج کیا۔
برلن، میونخ، فرینکفرٹ اور دیگر شہروں میں ریلیوں کے دوران شرکاء نے بینرز اور پلے کارڈز اٹھا رکھے تھے جن پر جنگ بندی اور فلسطینی عوام کے تحفظ کے مطالبات درج تھے۔ مظاہرین کا کہنا تھا کہ عالمی برادری کو فوری طور پر آگے بڑھ کر غزہ میں جاری انسانی بحران کو ختم کرانے کے لیے عملی اقدامات کرنے چاہئیں۔
مظاہروں میں انسانی حقوق کی تنظیموں، طلبہ، خواتین اور مختلف مکاتبِ فکر کے لوگ شامل تھے۔ احتجاجی مظاہرے پرامن رہے تاہم بعض مقامات پر پولیس نے مظاہرین کی تعداد کنٹرول کرنے کے لیے سخت سیکیورٹی اقدامات کیے۔
متعلقہ پوسٹ
ترک وزیر دفاع یاشار گلر کی وزیراعظم شہباز شریف سے ملاقات، پاک ترک تعلقات مزید مضبوط بنانے کے عزم کا اعادہاسلام آباد (نمائندہ خصوصی فائزہ یونس) ترکی کے وزیر قومی دفاع یاشار گلر نے آج اسلام آباد میں وزیراعظم محمد شہباز شریف سے ملاقات کی۔وزیراعظم نے ترک وزیر دفاع کا خیرمقدم کرتے ہوئے کہا کہ پاکستان اور ترکی کے تاریخی اور برادرانہ تعلقات مشترکہ تاریخ، ثقافت اور باہمی احترام پر مبنی ہیں۔ انہوں نے دوطرفہ تعلقات کی مثبت پیش رفت…
