بھارت کے خلاف جنگ میں کالعدم تنظیموں نے بھارت کا ساتھ دیا، بلاول بھٹو زرداری

اسلام آباد (نمائندہ وائس آف جرمنی) پاکستان پیپلز پارٹی کے چیئرمین بلاول بھٹو زرداری نے کہا ہے کہ بھارت کے خلاف جاری جنگ میں کالعدم تنظیموں نے درپردہ طور پر بھارت کا ساتھ دیا، جس سے خطے میں بدامنی کو فروغ ملا۔ ان کا کہنا تھا کہ عالمی سطح پر پاکستان کی کوشش ہے کہ بھارت اور کالعدم گروہوں کے درمیان موجود نیٹ ورک کو توڑا جائے تاکہ خطے میں امن قائم ہو اور دہشت گردی کا مستقل خاتمہ ممکن ہو سکے۔
بلاول بھٹو زرداری نے مزید کہا کہ بھارت کے مذموم عزائم اور کالعدم تنظیموں کے ساتھ تعلقات کو دنیا کے سامنے بے نقاب کیا جا رہا ہے۔ انہوں نے زور دیا کہ عالمی برادری اس حوالے سے سنجیدہ اقدامات کرے تاکہ دہشت گردی کے نیٹ ورک کو ختم کر کے خطے میں پائیدار استحکام لایا جا سکے۔