(ویب ڈیسک) بھارت میں درالحکومت دہلی کی پولیس نے بھارتی ریاست مغربی بنگال کے کولکاتہ کی گھر سے بھاگنےوالی 9ویں جماعت کی طالبہ کو بدھ کے روز برآمد کر لیا۔ 14 سال کی اس لڑکی کو انسٹاگرام پر ایک 17 سالہ لڑکے سے محبت ہوگئی۔نابالغ بچوں کی اس محبت نے گھروالوں کو کتنا پریشان کیا اور معاشرے میں ایسے انتہائی احمقانہ اقدام سے دوسرے بچوں پر برا اثر پڑ سکتاہے۔ والدین کو اپنے نابالغ بچوں کی سوشل میڈیا سرگرمیوں پر گہری نظر رکھنی چاہئے تاکہ ایسی خطرناک صورتحال سے بچا جا سکے۔
بھارت کی بڑی اردو ویب نیوز کےمطابق سوشل میڈیا کے ذریعے پروان چڑھنے والی محبت کا انجام کیا ہوتا ہے، اس کی مثال کولکاتہ کی 14 سالہ لڑکی کی کہانی سے ملتی ہے۔ دہلی پولیس نے مغربی بنگال کے کولکاتہ کی 9ویں جماعت میں پڑھنے والی اس طالبہ کو بدھ کے روز برآمد کیا۔ 14 سال کی اس لڑکی کو انسٹاگرام پر ایک 17 سالہ لڑکے سے محبت ہوگئی۔ دونوں نے جینے مرنے کی قسمیں کھا لیں۔ ایک دن لڑکی گھر سے بھاگ کر دہلی پہنچ گئی۔ دونوں کے گھر والوں نے گمشدگی اور اغوا کا مقدمہ درج کرا دیا۔ معاملے کی سنجیدگی کو دیکھتے ہوئے دہلی اور کولکاتہ پولیس فوری حرکت میں آگئی۔ اچانک دہلی پولیس کو ایک سراغ ملا اور تفتیش شروع کرتے ہی حیران کرنے والی معلومات سامنے آئیں۔ دہلی پولیس کی ابتدائی جانچ میں یہ معاملہ کم عمر بچوں کے بڑھتے تعلقات اور اس کے خطرات کو ظاہر کر رہا تھا۔ پولیس نے اسی زاویے سے تفتیش شروع کی۔ نتیجتاً دہلی پولیس کی کرائم برانچ کی اینٹی ہیومن ٹریفکنگ یونٹ کی ٹیم نے کولکاتہ سے لاپتہ اس لڑکی کو دہلی کے سلطان پوری علاقے سے برآمد کر لیا۔
میڈیا رپورٹ میں مزید بتایا گیا ہےکہ اصل میں بنگال سے دہلی تک اس لڑکی کے غائب ہونے کی کہانی حیران کر دینے والی ہے۔ کولکاتہ کے مانكتلا تھانہ علاقے کی رہنے والی یہ 14 سالہ نابالغ لڑکی 9 نومبر 2025 سے لاپتہ تھی۔ 22 نومبر 2025 کو اس کی گمشدگی کے سلسلے میں مانكتلا تھانے میں مقدمہ درج کیا گیا۔ کولکاتہ پولیس کی ابتدائی تفتیش میں سامنے آیا کہ دونوں کے درمیان انسٹاگرام کے ذریعے تعلق بنا تھا۔کولکاتہ پولیس نے یہ معلومات دہلی پولیس کو فراہم کیں۔ دہلی پولیس کی جانچ میں بھی معلوم ہوا کہ 9ویں جماعت میں پڑھنے والی یہ لڑکی انسٹاگرام پر ایک 17 سالہ لڑکے کے رابطے میں آئی تھی۔دونوں نے اپنے والدین سے جھگڑے کے بعد گھر چھوڑنے کا منصوبہ بنایا اور سیدھے پرانی دہلی ریلوے اسٹیشن پہنچ گئے۔ وہاں سے لڑکی نے انسٹاگرام والے دوست سے رابطہ کیا۔ لڑکا اسے اپنے ساتھ سلطان پوری لے آیا، جہاں دونوں نے ایک کمرہ کرائے پر لیا اور ساتھ رہنے لگے۔
حساس معاملہ ہونے کے باعث دہلی پولیس کی اینٹی ہیومن ٹریفکنگ یونٹ نے فوری کارروائی شروع کی۔ گہری تفتیش کی مدد سے پولیس کی ٹیم نے لڑکی کا سراغ لگایا اور اسے سلطان پوری سے کامیابی کے ساتھ برآمد کیا۔ بعد ازاں اسے ضروری قانونی کارروائی کے لیے سلطان پوری تھانے کے حوالے کر دیا گیا۔دہلی پولیس نے اس کیس کی حساسیت کے پیش نظر والدین کو مشورہ دیا ہے کہ وہ اپنے نابالغ بچوں کی سوشل میڈیا سرگرمیوں پر گہری نظر رکھیں، تاکہ ایسی خطرناک صورتحال سے بچا جا سکے۔ علامتی تصویر۔
یہ بھی پڑھیں:جنوبی افریقہ کےخلاف ٹی-20 سیریز ،بھارتی اسکواڈ کا اعلان
